ଜଗତସିଂହପୁର: ଜଗତସିଂହପୁର ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଲୋକ କବି ନାଟ୍ୟାଚାର୍ଯ୍ୟ ବାଳକୃଷ୍ଣ ମହାନ୍ତିଙ୍କ 120 ତମ ଜୟନ୍ତୀ ଉତ୍ସବ ପାଳିତ ହୋଇଛି । 1900 ମସିହାରେ ଜଗତସିଂହପୁର ସଦର ପଳାସୋଳ ଗ୍ରାମରେ ଜନ୍ମିତ ବାଳକୃଷ୍ଣ ମହାନ୍ତି ଓଡ଼ିଆ ସାହିତ୍ୟକୁ ବେଶ ରୁଦ୍ଧିମନ୍ତ କରିଛନ୍ତି । ତାଙ୍କ ଦ୍ବାରା ଲିଖିତ ଗୀତିନାଟ୍ୟ, ମହିସା ମର୍ଦ୍ଧିନି, ବାଣା ପରାଜୟ, ଶ୍ରୀଗଣେଶ, ସୁଶୀଳ ମାଳତୀ ପ୍ରଭୁତି ବେଶ ଲୋକ ପ୍ରିୟତା ଲାଭ କରିଛି ।
ଲୋକ କବି ନାଟ୍ୟଚାର୍ଯ୍ୟ ବାଳକୃଷ୍ଣ ମହାନ୍ତିଙ୍କ 120 ତମ ଜୟନ୍ତୀ ପାଳିତ
ଏହି ଅବସରରେ ଲୋକ କବିଙ୍କ ତୈଳ ଚିତ୍ରରେ ମାଲ୍ୟାର୍ପଣ କରାଯିବା ସହିତ ସ୍ମୃତି ଚାରଣ କରାଯାଇଥିଲା । ଅତୀତରେ ସମଗ୍ର ଓଡ଼ିଶାରେ ନାଟ୍ୟାଚାର୍ଯ୍ୟଙ୍କ ବିଭିନ୍ନ ଗୀତିନାଟ୍ୟ ବେଶ ଲୋକାଦୃତ ହୋଇ ପାରିଥିଲା । ଆକାଶବାଣୀ ଓ ଦୂର ଦର୍ଶନରେ ପ୍ରସାରିତ ଗୀତିନାଟ୍ୟ ଆଜିବି ସ୍ରୋତାଙ୍କ ମାନସ ପଟରେ ରହି ଆସିଛି ।