ଜଗତସିଂହପୁର: ନାଉଗାଁ ବ୍ଲକ ଶିଖରଘାଟ ନିକଟ ଦେବୀ ନଦୀରେ ଆଜି(ଶନିବାର) ଏକ ବିରାଟ ବଉଳା କୁମ୍ଭୀର ଦେଖିବାକୁ ମିଳିଥିଲା । ଯାହାକୁ ନେଇ ସ୍ଥାନୀୟ ଅଞ୍ଚଳରେ ଭୟର ବାତାବରଣ ସୃଷ୍ଟି ହୋଇଛି ।
ଦେବୀନଦୀରେ ବିରାଟ ବଉଳା କୁମ୍ଭୀର, ସ୍ଥାନୀୟ ଲୋକେ ଆତଙ୍କିତ
ସୂଚନା ଅନୁସାରେ ଆଜି ସକାଳେ ନାଉଗାଁ ଶିଖର ପୋଲ ନିକଟ ଦେବୀ ନଦୀରେ ବିରାଟ ବଉଳା କୁମ୍ଭୀର ପହଁରୁଥିବା ଦେଖିବାକୁ ମିଳିଥିଲା । ଲୋକେ ଏହାକୁ ଦେଖିବା ପରେ କୁଜଙ୍ଗ ବନ ଅଧିକାରୀଙ୍କୁ ଖବର ଦେଇଥିଲେ । ନାଉଗାଁ ଶିଖରରେ ପ୍ରବାହିତ ହେଉଥିବା ଦେବୀ ନଦୀକୁ କିପରି ବଉଳା କୁମ୍ଭୀରଟି ଆସିଲା ତାକୁ ନେଇ ଲୋକେ ଆଶ୍ଚର୍ଯ୍ୟ ପ୍ରକଟ କରିଛନ୍ତି ।