ଜଗତସିଂହପୁର: ପାରାଦୀପ-ହାଇଦ୍ରାବାଦ ତୈଳ ପ୍ରକଳ୍ପ ପାଇଁ ବିଛାଯାଉଥିବା ପାଇପ ଲାଇନକୁ ବିରୋଧ କରିଛନ୍ତି ସ୍ଥାନୀୟ ବାସିନ୍ଦା । ସହର ଉପକଣ୍ଠ ଢ଼ିଙ୍କିଆ ପଞ୍ଚାୟତରେ ପାଇପଲାଇନ ବିଛାଇବାକୁ ବିରୋଧ କରି ଆନ୍ଦୋଳନ କରାଯାଇଛି । ପଞ୍ଚାୟତର ମାହାଳ ଗୋଚର ଜମିରେ ସ୍ଥାନୀୟ ଲୋକଙ୍କ ଅଗୋଚରରେ ପାଇପଲାଇନ ବିଛାଇବାକୁ ଗତ ମାସକ ତଳେ ବିରୋଧ କରାଯାଇଥିବା ଯୋଗୁ କିଛି ଦିନ ଧରି କାମ ବନ୍ଦ ରହିବା ପରେ ପୁଣି ଠିକାଦାର ଲୁଚିଛପି ପାଇପଲାଇନ ବିଛାଉଥିବା ସୂଚନା ମିଳିବା ପରେ ସ୍ଥାନୀୟ ଅଞ୍ଚଳରେ ଉତ୍ତେଜନା ପ୍ରକାଶ ପାଇଛି ।
ପାରାଦ୍ବୀପ-ହାଇଦ୍ରାବାଦ ପାଇପଲାଇନ ବିଛାଇବାକୁ ବିରୋଧ, ଘଟଣାସ୍ଥଳେରେ ଉତ୍ତେଜନା
ଆଜି କାମ ଚାଲୁଥିବା ବେଳେ ଢ଼ିଙ୍କିଆ, ମାହାଳ ଓ ତ୍ରିଲୋଚନପୁର ଗ୍ରାମର ଶତାଧିକ ପୁରୁଷ ମହିଳା ଘଟଣାସ୍ଥଳରେ ପହଞ୍ଚି ବିରୋଧ କରିବା ସହ ବିକ୍ଷୋଭ କରିଥିଲେ । ଉତ୍ତେଜନାକୁ ଦେଖି ସମ୍ପୃକ୍ତ କମ୍ପାନୀ ପାଇପଲାଇନ ବିଛାଇବାରେ ବ୍ୟବହୃତ ପୋକଲିନ, ଟ୍ରାକ୍ଟର ଓ ଅନ୍ୟ ଯନ୍ତ୍ରାଂଶକୁ ଠିକାଦାର ସେଠାରୁ ହଟାଇ ନେଇଛନ୍ତି ।