ପାରାଦ୍ଵୀପ:ବାଟବଣା ହୋଇ ସମୁଦ୍ରରେ ଫସି ରହିଥିବା ବାଂଲାଦେଶୀ ମତ୍ସ୍ୟାଜୀବୀଙ୍କୁ ଉଦ୍ଧାର କଲେ ପାରାଦ୍ବୀପ ମତ୍ସ୍ୟଜୀବୀ । ଏହି ସମସ୍ତ ମତ୍ସଜୀବୀ ଡିସେମ୍ବର ୭ ତାରିଖରେ ମାଛ ମାରିବାକୁ ବାଂଲାଦେଶରୁ ବାହାରିଥିଲେ । ତେବେ ବାତ୍ୟା ପ୍ରଭାବରେ ସେମାନଙ୍କ ବୋଟ୍ ଡିସେମ୍ବର ୧୧ ରେ ଖରାପ ହୋଇଯାଇଥିଲା । ଏହାପରେ ସେମାନେ ବଙ୍ଗୋପସାଗରର ଗଭୀର ସମୁଦ୍ରରେ ବାଟବଣା ହୋଇଯାଇଥିଲେ । ଏହି ୨୦ ଜଣ ବାଂଲାଦେଶୀ ମତ୍ସ୍ୟଜୀବୀଙ୍କୁ ଉଦ୍ଧାର କରିଛନ୍ତି ପାରାଦ୍ବୀପ ମତ୍ସ୍ୟଜୀବୀ ।
୧୫ ଦିନ ମଝି ଦରିଆରେ ବାଂଲାଦେଶୀ ମାଛଧରାଳୀ, ଉଦ୍ଧାର କଲେ ଓଡିଶା ମତ୍ସ୍ୟଜୀବୀ
ବୋଟ୍ର ମୋଟର କାମ ନକରିବାକୁ ଆହୁଲା ମାରି ସମୁଦ୍ରରେ ରହିବାକୁ ବାଧ୍ୟ ହୋଇଥିଲେ । ପାଖରେ ଥିବା ଖାଦ୍ୟ ସାମଗ୍ରୀ ମାତ୍ର ୮ ଦିନରେ ଶେଷ ହୋଇ ଯାଇଥିଲା । ସମୁଦ୍ର ଭିତରେ ସେମାନେ ଦିଗ ମଧ୍ୟ ନିର୍ଣ୍ଣୟ କରିବାରେ ଅସଫଳ ରହିଥିଲେ । ଭୋକ ଉପାସରେ ଦିନ କାଟୁଥିବା ବାଂଲାଦେଶୀ ମତ୍ସ୍ୟଜୀବୀଙ୍କୁ ଦେଖିଥିଲେ ପାରାଦ୍ବୀପ ମତ୍ସଜୀବୀ । ପାରାଦ୍ବୀପ ମତ୍ସ୍ୟଜୀବୀଙ୍କୁ ଏହି ବାଂଲାଦେଶୀ ମତ୍ସ୍ୟଜୀବୀମାନେ ସାହାଯ୍ୟ ମାଗିଥିଲେ ।