Dhinkia Tension: ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ SP ଅଫିସ ଘେରାଉ

ଜଗତସିଂହପୁର ଜିଲ୍ଲାରେ ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ବୁଧବାର ଜିଲ୍ଲା ପୋଲିସ ମୁଖ୍ୟାଳୟକୁ ଘେରାଉ କରାଯାଇଛି । ଏହାସହ ବିକ୍ଷୋଭ ଓ ଧାରଣା ଦିଆଯାଇଛି। ଅଧିକ ପଢନ୍ତୁ

ଜଗତସିଂହପୁର: ଜିଲ୍ଲା ନବ ନିର୍ମାଣ କୃଷକ ସଙ୍ଗଠନ ପକ୍ଷରୁ ଆଜି (ବୁଧବାର) ଜିଲ୍ଲା ପୋଲିସ ମୁଖ୍ୟାଳୟକୁ ଘେରାଉ କରାଯାଇଛି । ଏହାସହ ବିକ୍ଷୋଭ ଓ ଧାରଣା ଦିଆଯାଇଛି। ଜଗତସିଂହପୁର ଜିଲ୍ଲା ନବ ନିର୍ମାଣ କୃଷକ ସଙ୍ଗଠନର ଆବାହକ ରଶ୍ମି ରଞ୍ଜନ ସ୍ୱାଇଁଙ୍କ ନେତୃତ୍ୱରେ ଶତାଧିକ ସଂଗଠନର କର୍ମକର୍ତ୍ତାମାନେ ଢ଼ିଙ୍କିଆରେ ହୋଇଥିବା ପୋଲିସର ଲାଠି ମାଡ ଘଟଣାକୁ ବିରୋଧ କରିଛନ୍ତି ।

ଏହାସହ ତୁରନ୍ତ ପୋଲିସ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରାଯାଇଛି। ସହମତି ଭିତ୍ତିରେ ଶିଳ୍ପ ନିର୍ମାଣକୁ ନବ ନିର୍ମାଣ କୃଷକ ସଙ୍ଗଠନ ସ୍ୱାଗତ କରୁଛି। କିନ୍ତୁ ବନ୍ଧୁକ ମୁନରେ କମ୍ପାନୀ ପାଇଁ ପୋଲିସ ଯେଉଁ ଭଳି ବର୍ବରତା ଚଳାଇଛି । ତାର ବିରୋଧରେ ନବ ନିର୍ମାଣ କୃଷକ ସଙ୍ଗଠନ ଆନ୍ଦୋଳନକୁ ତ୍ରିବ୍ରତର କରିବାକୁ ଚେତାବନୀ ଦେଇଛି।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ