ଜଗତସିଂହପୁର: ଜିଲ୍ଲାର ରଘୁନାଥପୁର ଥାନା ଅନ୍ତର୍ଗତ ଜଗନ୍ନାଥ ପାଟଣା ଗ୍ରାମରେ ଘଟିଛି ଅଭାବନୀୟ ଘଟଣା। ଜମିବାଡି ମାମଲାକୁ କେନ୍ଦ୍ର କରି ଜଣେ ବ୍ୟକ୍ତିଙ୍କୁ କାଠ ଫାଳିଆରେ ଅତି ନିର୍ମମ ଭାବେ ହତ୍ୟା କରାଯାଇଥିବା ଅଭିଯୋଗ ହୋଇଛି।
ହତ୍ୟାକାଣ୍ଡରେ ପରିଣତ ହେଲା ଜମିବାଡି ବିବାଦ
ପୋଲିସ ପକ୍ଷରୁ ମିଳିଥିବା ସୂଚନା ଅନୁସାରେ ଜଗନ୍ନାଥ ପାଟଣା ଗ୍ରାମର କେଦାର ସେଠୀ ଓ ଇନ୍ଦ୍ରମଣୀ ସେଠୀଙ୍କ ମଧ୍ୟରେ ପୂର୍ବରୁ ଜମିବାଡି ମାମଲା ନେଇ ବିବାଦ ଦେଖା ଯାଇଥିଲା। ସୋମବାର ସକାଳୁ ସକାଳୁ ଏହା ଉଗ୍ରରୂପ ଧାରଣ କରିଥିଲା। ଏହା ପରେ ଉତ୍ୟକ୍ତ ଇନ୍ଦ୍ରମଣି କାଠ ଫାଳିଆରେ କେଦାରଙ୍କ ଉପରେ ଆକ୍ରମଣ କରିଥିଲେ । ଫଳରେ ଘଟଣା ସ୍ଥଳରେ କେଦାରଙ୍କ ମୃତ୍ୟୁ ହୋଇଥିଲା।