ଜଗତସିଂହପୁରରେ ଆରମ୍ଭ ହେଲା ଉଚ୍ଛେଦ ପ୍ରକ୍ରିୟା, ଅସନ୍ତୋଷ ଉଠା ଦୋକାନୀ

ଜଗତସିଂହପୁର ସହରରେ ପୌର ପ୍ରଶାସନ ପକ୍ଷରୁ ଉଚ୍ଛେଦ ପ୍ରକ୍ରିୟା ଆରମ୍ଭ । ଉଠାଦୋକାନୀଙ୍କ ମଧ୍ୟରେ ଅସନ୍ତୋଷ । ଅଧିକ ପଢନ୍ତୁ....

ଜଗତସିଂହପୁର: ଜଗତସିଂହପୁର ସହରରେ ପୌର ପ୍ରଶାସନ ପକ୍ଷରୁ ଉଚ୍ଛେଦ ପ୍ରକ୍ରିୟା ଆରମ୍ଭ ହୋଇଛି । ସହରରେ ଟ୍ରାଫିକ ସମସ୍ୟା ସୃଷ୍ଟି ହେଉଥିବାରୁ ପୌର ପ୍ରଶାସନ ଜିଲ୍ଲା ସଂସ୍କୃତି ଭବନ ଓ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରୁ 20 ରୁ ଅଧିକ ଉଠା ଦୋକାନୀଙ୍କୁ ଉଚ୍ଛେଦ କରିଛି । ସହରର ଥାନା ଛକ ଠାରୁ ପୋଷ୍ଟ ଅଫିସ ଛକ ପର୍ଯ୍ୟନ୍ତ ସମସ୍ତ ଉଠା ଦୋକାନୀଙ୍କୁ ଦୁଇ ଦିନ ଭିତରେ ନିଜ ଦୋକାନକୁ ଉଠାଇ ଦେବାକୁ ନୋଟିସ ଜାରି କରିଛି ପୌର ପ୍ରଶାସନ ।

ତେବେ କୋର୍ଟ ଛକ ନିକଟ ଭେଣ୍ଡିଂ ଜୋନରେ ଉଠା ଦୋକାନୀଙ୍କୁ ଥଇଥାନ ନ କରାଯାଇ ଉଚ୍ଛେଦ କରାଯାଉ ଥିବାରୁ ଉଠାଦୋକାନୀଙ୍କ ମଧ୍ୟରେ ଅସନ୍ତୋଷ ଦେଖା ଦେଇଛି ।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର,ଇଟିଭି ଭାରତ