ଜଗତସିଂହପୁର: ଜିଲ୍ଲା କୃଷି ଅଧିକାରୀଙ୍କ କାର୍ଯ୍ୟାଳୟ ପରିସରରେ ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାର ଶୁଭାରମ୍ଭ ହୋଇଯାଇଛି । ଏହାକୁ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର ପତାକା ଦେଖାଇ ଶୁଭାରମ୍ଭ କରିଛନ୍ତି । ଓଡିଶା ସରକାର ଓ ପାରାଦୀପ ଫସପେଟସ ଲିମିଟେଡ଼ର ମିଳିତ ସହାୟତାରେ ଏହା କାର୍ଯ୍ୟକାରୀ ହୋଇଛି। ଏହି ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାରଟି ଜିଲାର ଚାଷୀମାନଙ୍କୁ ଚାଷ କ୍ଷେତ୍ରରେ ଵିଶେଷ ଭାବରେ ସହାୟକ ହେବ। ମାଟିର ଗୁଣବତ୍ତା ପରୀକ୍ଷା ପାଇଁ କୃଷକମାନେ ବିନା ଶୁଳ୍କରେ ନିଜ ଅଞ୍ଚଳରେ ଖୁବ କମ ସମୟ ମଧ୍ୟରେ ମୃତ୍ତିକା ପରୀକ୍ଷା କରାଇପାରିବେ ।
ଲୋକାର୍ପିତ ହେଲା ଭ୍ରାମ୍ୟମାଣ ମୃତ୍ତିକା ପରୀକ୍ଷାଗାର