ଜଗତସିଂହପୁର:ପାରାଦ୍ବୀପରେ ସାମୁଦ୍ରିକ ଥାନା ଅଞ୍ଚଳରେ ଜଘନ୍ୟ କାଣ୍ଡ । ତିନି ବର୍ଷର ଶିଶୁକୁ ଦୁଷ୍କର୍ମ । ଶିଶୁକୁ ଗୁରୁତର ଅବସ୍ଥାରେ ପ୍ରଥମେ ଅଠରବାଙ୍କୀ ମେଡିକାଲ ଓ ପରେ ଜଗତସିଂହପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଦୁଷ୍କର୍ମ ନେଇ ପରିବାର ପକ୍ଷରୁ ଜଟାଧାର ମୁହାଣ ଥାନାରେ ଅଭିଯୋଗ କରାଯାଇଛି । ଏହି ଘଟଣାରେ ପୋଲିସ ଜଣଙ୍କୁ ଅଟକ ରଖି ପଚରାଉଚରା କରୁଛି ।
ଏହା ମଧ୍ୟ ପଢ଼ନ୍ତୁ:ସମ୍ବଲପୁରରେ ଚାଞ୍ଚଲ୍ୟ; ଲିଫ୍ଟ ବାହାନାରେ ଯୁବତୀଙ୍କୁ ଗଣଦୁଷ୍କର୍ମ ! ୩ ଅଟକ
ଅଭିଯୋଗ ଅନୁଯାୟୀ, ଜଗତସିଂହପୁର ଜିଲ୍ଲା ପାରାଦ୍ବୀପ ସ୍ଥିତ ସାମୁଦ୍ରିକ ଥାନା ଅଞ୍ଚଳରେ ଥିବା ଏକ ବସ୍ତିରେ ଜନୈକ ପରିବାର ରହୁଥିଲେ । ପରିବାର ଲୋକେ ଖାଇସାରି ଶୋଇ ପଡ଼ିବା ପରେ ରାତିରେ ତିନିବର୍ଷର ଝିଅଟି କେଉଁଆଡ଼େ ନିଖୋଜ ହୋଇ ଯାଇଥିଲା । ରାତି ପ୍ରାୟ ତିନିଟା ବେଳକୁ ଝିଅ ଘରେ ନଥିବା ପରିବାର ଲୋକେ ଜାଣିବାକୁ ପାଇଥିଲେ । ବିଭିନ୍ନ ସ୍ଥାନ ଖୋଜାଖୋଜି କରିବା ପରେ ନିରାଶ ହୋଇ ଥାନାକୁ ଆସୁଥିବା ସମୟରେ ଜଣେ ବୟସ୍କ ବ୍ୟକ୍ତି ଝିଅକୁ ରଖିଥିବା ଖବର ପାଇଥିଲେ । ଏହାପରେ ପରିବାର ଲୋକେ ତୁରନ୍ତ ଝିଅକୁ ଆଣିବା ପାଇଁ ଯାଇଥିଲେ ।
ଏହା ମଧ୍ୟ ପଢ଼ନ୍ତୁ:ସୀମା ଟପୁଛି ପାଶବିକତା, ଲିପ୍ଟ ଦେବା ବାହାନାରେ 80 ବର୍ଷୀୟ ବୃଦ୍ଧାଙ୍କୁ ଦୁଷ୍କର୍ମ