ଜଗତସିଂହପୁର: ଜିଲ୍ଲାର ରଘୁନାଥପୁର ଥାନା ଅଧିନସ୍ଥ ତାରପୁର ନିକଟସ୍ଥ ମହାନଦୀ ପୋଲ ଉପରୁ ଜଣେ ଯୁବକ ନଦୀକୁ ଡେଇଁ ଆତ୍ମହତ୍ୟା ଉଦ୍ୟମ କରିଥିବା ଅଭିଯୋଗ ହୋଇଛି। ପତ୍ୟକ୍ଷଦର୍ଶୀଙ୍କ କହିବା ଅନୁସାରେ ଜଣେ ଯୁବକ ସାଇକେଲ ଯୋଗେ ତାରପୁର ଆଡୁ ଆସି ପୋଲ ଉପରେ ସାଇକେଲ ରଖିଥିଲେ। କିଛି ସମୟ ନଦୀକୁ ଅନାଇବା ପରେ ହଠାତ ନଦୀକୁ ଡେଇଁ ପଡିଥିଲେ। ଏହା ଦେଖି ସ୍ଥାନୀୟ ଲୋକେ ପୋଲସକୁ ସହ ଦମକଳ ବାହିନୀକୁ ଖବର ଦେଇଥିଲେ। ଏ ଖବର ପାଇବା ପରେ ଦମକଳ ବାହିନୀ ଯୁବକକୁ ଖୋଜାଖୋଜି ଆରମ୍ଭ କରିଛି, ହେଲେ ତାଙ୍କର ପତ୍ତା ମିଳିନାହିଁ। ଯୁବକଙ୍କ ପରିଚୟ ମିଳିନଥିବା ରଘୁନାଥପୁର ପୋଲିସ ଜଣାଇଛି।
ପୋଲ ଉପରୁ ଡେଇଁ ଯୁବକଙ୍କ ଆତ୍ମହତ୍ୟା ଉଦ୍ୟମ