ଜଗତସିଂହପୁର: ଜିଲ୍ଲାରେ ବନ୍ୟା ପରିସ୍ଥିତି ଉଦବେଗଜନକ ରହିଛି। କେତେକ ସ୍ଥାନରେ ଜଳସ୍ତର ହ୍ରାସ ପାଇଥିଲେ ମଧ୍ୟ ଲୋକଙ୍କ ଦୁର୍ଦ୍ଦଶା କମିନାହିଁ। କୁଜଙ୍ଗ ବ୍ଲକର ଜିଲାନାସି ଓ ସାଇଲୋ ଗ୍ରାମପଞ୍ଚାୟତ ଏବେ ବି ପାଣି ଘେର ମଧ୍ୟରେ ରହିଛି।
ତାରପୁରରେ ବିପଦ ସଙ୍କେତ ଉପରେ ମହାନଦୀ
ମହାନଦୀ ସାଉଥ ଡିଭିଜନ ସୂତ୍ରରୁ ମିଳିଥିବା ସୂଚନା ଅନୁସାରେ, ବୁଧବାର ସନ୍ଧ୍ୟା 8 ଟା ସୁଦ୍ଧା ତାରପୁର ନିକଟରେ ମହାନଦୀର ଜଳସ୍ତର 10.68 ମିଟର ରହିଛି। ଯାହାକି ବିପଦ ସଂକେତ ଉପରେ ପ୍ରବାହିତ ହେଉଥିବା ବେଳେ ଦେବୀନଦୀ ମାଛ ଗାଁ ନିକଟରେ 13. 15 ମିଟରରେ ପ୍ରବାହିତ ହେଉଛି।