ଜଗତସିଂହପୁର: ଓଡ଼ିଶାର ଅନ୍ୟତମ ଶକ୍ତିପୀଠ ଝଙ୍କଡବାସିନୀ ମା'ଶାରଳାଙ୍କ ପୀଠରେ କୋରୋନା କଟକଣା ମଧ୍ୟରେ ଚାଲୁ ରହିଛି ଦଶହରା ପୂଜା । ଶନିବାର ପୀଠରେ ମା'ଙ୍କର ମହାନବମୀ ପୂଜା ଅନୁଷ୍ଠିତ ହେଉଛି ।
ମା'ଶାରଳାଙ୍କ ପୀଠରେ ମହାନବମୀ ପୂଜା ଅନୁଷ୍ଠିତ
ଆସନ୍ତାକାଲି ମା'ଙ୍କର ବିଶ୍ରାମ ରହିଥିବାବେଳେ ସୋମବାର ଦିନ ଏଠାରେ ଦଶହରା ପାଳନ କରାଯିବ । ଚଳିତ ବର୍ଷ ମଳ ମାସ ଯୋଗୁଁ ମା'ଙ୍କର 46ଦିନ ପାର୍ବଣ ପୂଜା ଅନୁଷ୍ଠିତ ହେଉଥିଲା । ଆଜି ତାହାର ପରିସମାପ୍ତି ହେବ। ଦୀର୍ଘ 46 ଦିନ ଧରି ଚାଲୁଥିବା ଯଜ୍ଞର ଆଜି ପୂର୍ଣ୍ଣାହୁତି ଦିଆଯିବ । ଅର୍ଦ୍ଧରାତ୍ରରେ ମା'ଙ୍କ ଚଳନ୍ତି ପ୍ରତିମା ବିମାନରେ ଲଣ୍ଡା ଦେଉଳକୁ ଆସି ପରିକ୍ରମା କରିବାର ବିଧି ରହିଛି । ଏହି ନୀତି ଆଜି ଅନୁଷ୍ଠିତ ହେବ ବୋଲି ସୂଚନା ମିଳିଛି ।