ଜଗତସିଂହପୁର: କୋରୋନା ବଦଳାଇଛି ମୃତ୍ୟୁର ପରିଭାଷା । କୋରୋନା ସଂକ୍ରମିତ ମୃତ୍ୟୁକୁ ଯେତେ ଡ଼ରୁ ନାହାନ୍ତି ମରିବା ପରେ ଯେଉଁ ପରିସ୍ଥିତି ସୃଷ୍ଟି ହେଉଛି ତାହାକୁ ଚିନ୍ତା କରି ବେଶୀ ଡ଼ରି ଯାଉଛନ୍ତି ପରିବାର ଲୋକେ । ମୃତ୍ୟୁ ପରେ ମୃତକଙ୍କ ଶବ କେଉଁ ଅବସ୍ଥାରେ କେଉଁଠି ଅନ୍ତିମ ସଂସ୍କାର କରାଯିବ ତାହା ଅନେକଙ୍କୁ ବିବ୍ରତ କରି ପକାଉଛି । ବର୍ତମାନ କୋରୋନା ମୃତ୍ୟୁ ତ ଦୂରର କଥା, ଅନ୍ୟ ସାଧାରଣ ମୃତକଙ୍କ କ୍ଷେତ୍ରରେ ବି ଅନୁରୂପ ଘଟଣା ଘଟିବାର ଆଶଙ୍କା ରହିଛି ।
କୋରୋନା ରୋଗୀଙ୍କ ମୃତ ଦେହ ସତ୍କାରକୁ ନେଇ ସ୍ଥାନୀୟ ଲୋକଙ୍କ ବିରୋଧ
ଏପଟେ ଜଗତସିଂହପୁର ଜିଲ୍ଲାରେ କୋରୋନାରେ ମୃତ ଦୁଇ ଜଣଙ୍କ ଅନ୍ତିମ ସଂସ୍କରକୁ ନେଇ ସ୍ଥାନୀୟ ଲୋକେ ତୀବ୍ର ବିରୋଧ ଦେଖିବାକୁ ମିଳିଛି । ସୂଚନାମୁତାବକ ଗତସିଂହପୁର ପୌର ପ୍ରଶାସନ ପକ୍ଷରୁ ଗତ ମଙ୍ଗଳବାର ଅପରାହ୍ନରେ ଗୁପ୍ତ ଭାବେ ଦୁଇ କୋରୋନା ରୋଗୀଙ୍କ ମୃତ ଦେହକୁ ଅଣାଯାଇଥିଲା। ହେଲେ କୌଣସି ସୂତ୍ରରୁ ଖବର ପାଇ ସ୍ଥାନୀୟ ଲୋକମାନେ ଏହାକୁ ତୀବ୍ର ବିରୋଧ କରିବା ସହ ଶବକୁ ସଂସ୍କାର କରାଇଦେଇ ନଥିଲେ। ପୌର ପ୍ରଶାସନ ଶେଷରେ ଶବକୁ ଫେରାଇ ନେଇଥିଲା।