ଜଗତସିଂହପୁର: ଜିଲ୍ଲାର ବିଭିନ୍ନ ବ୍ଲକର ଧାନ କ୍ଷେତରେ ଜଉ ଓ ସହାରା ରୋଗ ବ୍ୟାପିବାରେ ଲାଗିଛି । ଏହାକୁ ନେଇ ଆତଙ୍କିତ ଚାଷୀକୂଳ। ବିଲରେ ପାଚିଲା ଧାନର ସମ୍ଭାର ଦେଖି ଚାଷୀ ମୁଁହରେ ହସ ଫୁଟି ଉଠିଥିଲା କିନ୍ତୁ ଏବେ ଧାନ କ୍ଷେତ ଦେଖିଲେ ଚାଷୀ ମୁଣ୍ଡରେ ଚଡକ ପଡିଯାଉଛି ।
ଧାନ ବିଲରେ ଜଉପୋକ ଆତଙ୍କ, ଚାଷୀ ମୁଣ୍ଡରେ ଚଡ଼କ
ମୁଣ୍ଡରେ ହାତ ଦେଇ ବସିଛି ଚାଷୀ । ଧାନ ପାଚି ଅମଳ ସମୟ ବେଳକୁ ଧାନ ବିଲରେ ମାଡୁଛନ୍ତି ଜଉ ପୋକ ବା ସହାରା ପୋକ । ଏହି ପୋକ ଆକ୍ରମଣ କଲେ ଧାନକେଣ୍ଡା ଗୁଡିକରେ କଳା ଫିମ୍ପି ମାଡିଯାଉଛି ଓ ଧାନ କେଣ୍ଡା ନଷ୍ଟ ହେଉଛି । ଏମିତିକି ଧାନଗଛ ଗୁଡିକ ଝାଉଁଳିବା ସହ ମରିଯାଉଛି ।