ଜିଲ୍ଲାପାଳଙ୍କ ଅଚାନକ ଚିକିତ୍ସାଳୟ ପରିଦର୍ଶନ

ବିନା ସୂଚନାରେ ଚାଲି ଆସିଲେ ଜିଲ୍ଲାପାଳ । ଖବର ନଦେଇ ଅଚାନକ ପରିଦର୍ଶନରେ । ବିଭିନ୍ନ ଓ୍ବାର୍ଡ ବୁଲିବା ସହ ରୋଗୀଙ୍କୁ ଉଚିତ ସ୍ବାସ୍ଥ୍ୟ ସେବା ମିଳୁଛି କି ନାହିଁ ପଚାରି ବୁଝିଥିଲେ ।

ଜଗତସିଂହପୁର : ଜିଲା ମୁଖ୍ୟ ଚିକିତ୍ସାଳୟକୁ ଅଚାନକ ପରିଦର୍ଶନରେ ଆସିଛନ୍ତି ଜିଲ୍ଲାପାଳ । ବିନା ସୂଚନାରେ ଜିଲାପାଳ ସଂଗ୍ରାମ କେଶରୀ ମହାପାତ୍ର ସନ୍ଧ୍ୟାରେ ଅଚାନକ ବିଭିନ୍ନ ଓ୍ବାର୍ଡ ବୁଲି ଦେଖିବା ସହିତ ରୋଗୀ ଓ ରୋଗୀଙ୍କ ସମ୍ପର୍କିୟଙ୍କ ସହ ଆଲୋଚନା କରିଛନ୍ତି ।

ଜିଲ୍ଲାପାଳ ଆସିବା ଖବର ମେଡିକାଲର କିଛି କର୍ମଚାରୀ ଜାଣି ନଥିବାରୁ ଡ୍ୟୁଟି ଥାଇ ବି ଅନୁପସ୍ଥିତ ଥିଲେ। ଏହା ଜାଣିବା ପରେ ଜିଲାପାଳ ଅସନ୍ତୋଷ ପ୍ରକାଶ କରିଛନ୍ତି । ପ୍ରସୂତି ବିଭାଗରେ ରୋଗୀଙ୍କୁ କାହିଁକି ବେଡ୍ ଦିଆଯାଇନି ବୋଲି ପ୍ରଶ୍ନ କରିବା ସହ ନିରାମୟ ଯୋଜନା ରେ ଉପଲବ୍ଧ ଔଷଧକୁ ଡାକ୍ତର ଲେଖୁଛନ୍ତି କି ନାହିଁ ତାହା ମଧ୍ୟ ପଚାରି ବୁଝିଥିଲେ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ