ଜଗତସିଂହପୁର: ଓଡିଶା ଷ୍ଟାପ ସିଲେକ୍ସନରେ ଦୁର୍ନିତୀ ଓ OSSC ଅଧ୍ୟକ୍ଷଙ୍କ ବ୍ୟକ୍ତିଗତ ସହାୟକଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଦାବିରେ ଜିଲ୍ଲା ଛାତ୍ର କଂଗ୍ରେସ ପକ୍ଷରୁ ବିକ୍ଷୋଭ ପ୍ରଦର୍ଶନ । ଦୁର୍ନୀତିକୁ ବିରୋଧ କରିବା ମୁଖ୍ୟମନ୍ତ୍ରୀଙ୍କ କୁଶପୁତ୍ତଳିକାକୁ ମଧ୍ୟ ସ୍ଥାନୀୟ ଥାନା ଛକ ନିକଟରେ ଦାହ କରିଥିଲେ ।
ଯୁବ କଂଗ୍ରେସ ସଭାପତି ପ୍ରଶାନ୍ତ ମଲିକଙ୍କ ନେତୃତ୍ବରେ କଂଗ୍ରେସ କର୍ମୀ ମାନେ ସରକାରଙ୍କ ଷ୍ଟାପ ସିଲେକ୍ସନ କେଳେଙ୍କାରୀରେ ସରକାର ନିଜେ ସାମିଲ ଥିବା ଅଭିଯୋଗ କରିବା ସହ ରାଜ୍ୟବାସୀଙ୍କୁ ବିଜେଡ଼ି ସରକାର ଠକିଥିବା ଅଭିଯୋଗ କରିଥିଲେ । ରାଜ୍ୟ ସରକାର ତୁରନ୍ତ ଷ୍ଟାପ ସିଲେକ୍ସନ କେଲେଙ୍କାରୀରେ ସମ୍ପୃକ୍ତ ଅଛନ୍ତି ତୁରନ୍ତ ତାଙ୍କୁ ଗିରଫ କରିବା ସହ ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କରିବାକୁ ଜିଲ୍ଲା ଛାତ୍ର କଂଗ୍ରେସ ପକ୍ଷରୁ କୁହାଯାଇଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ