ବିଦ୍ୟୁତ ବିଭ୍ରାଟ ନେଇ ସେସୁ କାର୍ଯ୍ୟାଳୟ ଘେରାଉ

ଜଗତସିଂହପୁର ରଘୁନାଥପୁର ବ୍ଲକର କେତେକ ଗ୍ରାମରେ ଦେଖାଦେଉଥିବା ବିଦ୍ୟୁତ ବିଭ୍ରାଟକୁ ନେଇ SUCI ପକ୍ଷରୁ ସେସୁ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।

ଜଗତସିଂହପୁର: ଫନି ଯିବାର ୩ ମାସ ବିତିଗଲାଣ, କିନ୍ତୁ ଏବେ ସୁଦ୍ଧା ପହଞ୍ଚି ପାରିନାହିଁ ବିଜୁଳି । ଏବେ ସୁଦ୍ଧା ଅନ୍ଧାରରେ ଦିନ ବିତାଉଛନ୍ତି ଜଗତସିଂହପୁର ଜିଲ୍ଲା ରଘୁନାଥପୁର ବ୍ଲକର କେତେକ ଗ୍ରାମବାସୀ । କେତେକ ସ୍ଥାନରେ ବିଜୁଳି ସଂଯୋଗ ହୋଇନାହିଁ ତ ଆଉ କେତେକ ସ୍ଥାନରେ ଘଣ୍ଟାଘଣ୍ଟା ଧରି ବିଜୁଳି କାଟ କରାଯାଉଛି । ତେବେ ବ୍ଲକରେ ଦେଖାଦେଉଥିବା ବିଦ୍ୟୁତ ବିଭ୍ରାଟକୁ ନେଇ SUCI ପକ୍ଷରୁ ସେସୁ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା ।

ଏହା ସହିତ ସଂଘ ପକ୍ଷରୁ କାର୍ଯ୍ୟାଳୟ ଘେରାଉ ମଧ୍ୟ କରାଯାଇଥିଲା । ତେବେ ବିଜୁଳି ସଂଯୋଗ କରିବା ଓ ଅଘୋଷିତ ବିଦ୍ୟୁତ କାଟ ନ କରିବା ପାଇଁ ସେସୁ ଅଧିକାରୀ ପ୍ରତିଶୃତି ଦେବାପରେ ଧାରଣା ପ୍ରତ୍ୟାହୃତ ହୋଇଥିବା ଜଣାପଡିଛି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିିଭି ଭାରତ