ଜଗତସିଂହପୁର: ଜିଲ୍ଲାରେ ବାତ୍ୟା 'ବୁଲବୁଲ'ର ପ୍ରଭାବ ଅନୁଭୂତ ହେଲାଣି । ଏହାର ପ୍ରଭାବରେ ଶୁକ୍ରବାର ସକାଳୁ ଆକାଶ ମେଘାଛନ୍ନ ରହିଥିଲା । ଏହାସହ ଦିନ ଗୋଟାଏ ସୁଦ୍ଧା ବର୍ଷାର ପରିମାଣ ଧିରେ ଧିରେ ବଢ଼ିବାରେ ଲାଗିଛି ।
ଆରମ୍ଭ ହେଉଛି 'ବୁଲ୍ବୁଲ୍'ର ପ୍ରଭାବ: ପ୍ରସ୍ତୁତ ପ୍ରଶାସନ
ସେହିପରି ପବନର ବେଗ ସ୍ଥିର ରହିଛି । ଅପର ପକ୍ଷରେ ପାରାଦୀପରେ ସମ୍ଭାବ୍ୟ ବାତ୍ୟାକୁ ନେଇ ସତର୍କତା ଜାରି ହୋଇଛି । ମତ୍ସ୍ୟଜୀବୀଙ୍କୁ ସମୁଦ୍ର ଭିତରକୁ ନଯିବାକୁ ବାରଣ କରାଯାଇଛି । ଜିଲ୍ଲା ପ୍ରଶାସନ ପକ୍ଷରୁ 'ବୁଲବୁଲ'ର ମୁକବିଲା ପାଇଁ ଓଡ୍ରାଫ ଓ ଏନଡିଆରଏଫ୍(NDRF) ଟିମ୍କୁ ସଜାଗ ରଖାଯାଇଛି ।
ତେବେ ଜିଲ୍ଲାରେ ପବନର ପରିମାଣ କମ୍ ରହିବ । ତେଣୁ ପ୍ରବଳରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି । ଏହାକୁ ଆଖି ଆଗରେ ରଖି ବାଲିକୁଦା ଓ ଏରସମା ଅଞ୍ଚଳର ତଳି ଅଞ୍ଚଳର କଚ୍ଚା ଘରେ ରହୁଥିବା ଲୋକଙ୍କୁ ତୁରନ୍ତ ବାତ୍ୟା ଆଶ୍ରୟ ସ୍ଥଳକୁ ଚାଲିଯିବାକୁ କୁହାଯାଇଛି ।