ଜଗତସିଂହପୁର: ଭେଣ୍ଡିଆ ପୁଅକୁ ହରାଇ ପଥର ପାଲଟିଛି ମାଆ । ଆଖିରୁ ଲୁହ ସୁଖି ଗଲାଣି । ନ୍ୟାୟ ପାଇଁ ଦୌଡି ଦୌଡି ଥକି ଗଲାଣି । ହେଲେ ପୁଅର ହତ୍ୟାକାରୀଙ୍କୁ ଦଣ୍ଡ ମିଳୁନି । 3 ବର୍ଷ ତଳେ ପୁଅକୁ ହରାଇ ଅସହାୟ ମାଆ ଏବେ ଇଚ୍ଛାମୃତ୍ୟୁ ପାଇଁ ଆବେଦନ କରିଛନ୍ତି । ଆମେ କହୁଛୁ ଜଗତସିଂହପୁର ଜିଲ୍ଲା କୁଜଙ୍ଗ ଅଞ୍ଚଳର ବହୁ ଚର୍ଚ୍ଚିତ ଅମୃତ ଦାସ ହତ୍ୟା ମାମଲା କଥା । ଅମୃତ ଦାସଙ୍କ ମାଆ ସୁଲଚନା ଦାସ ସରକାରଙ୍କୁ ଇଛା ମୃତ୍ୟୁ ପାଇଁ ନିବେଦନ କରିଛନ୍ତି ।
ଇଚ୍ଛାମୃତ୍ୟୁ ପାଇଁ ତାଙ୍କ ମାଆଙ୍କ ସରକାରଙ୍କ ପାଖରେ ନିବେଦନ
ପୁଅର ହତ୍ୟା ମାମଲାରେ ଉଚ୍ଚସ୍ତରୀୟ ତଦନ୍ତ ଦାବି କରିଛନ୍ତି । ନଚେତ ତାଙ୍କୁ ଇଚ୍ଛାମୃତ୍ୟୁ ଦିଆଯାଉ ବୋଲି କହିଛନ୍ତି । ଯାହାକୁ ନେଇ ସେ ରାଷ୍ଟ୍ରପତି, ସୁପ୍ରିମକୋର୍ଟ ମୁଖ୍ୟ ବିଚାରପତି, ରାଜ୍ୟପାଳ, ଓ ଓଡ଼ିଆ ସରକାରଙ୍କୁ ନିବେଦନ କରିଛନ୍ତି । ସୁଲୋଚନା ଅଭିଯୋଗ କରିଛନ୍ତି ଯେ, 2019 ମସିହା ଜୁଲାଇ 20ରେ ତାଙ୍କ ପୁଅଙ୍କୁ କେତେକ ଦୁର୍ବୁତ୍ତ ଘରୁ ଡାକିନେଇ ତିର୍ତ୍ତୋଲ ଥାନା ବାଲିପାଟଣା ନିକଟରେ ଅତି ନିର୍ମମ ଭାବେ ହତ୍ୟା କରିଥିଲେ ।