ସମ୍ଭାବ୍ୟ ବାତ୍ୟାକୁ ନେଇ ଜଗତସିଂହପୁର ପ୍ରଶାସନର ପ୍ରାକ୍ ପ୍ରସ୍ତୁତିି

ବାତ୍ୟା ୟଶକୁ ନେଇ ଜଗତସିଂହପୁର ଜିଲ୍ଲାର ସମୁଦ୍ରକୂଳବର୍ତ୍ତୀ ଗାଁ ଗୁଡିକରେ ହାଇଆର୍ଲଟ ଜାରି କରାଯିବାକୁ କୁହାଯାଇଛି । ଅଧିକ ପଢନ୍ତୁ...

ଜଗତସିଂହପୁର: ଜିଲ୍ଲାରେ ସମ୍ଭାବ୍ୟ ବାତ୍ୟାକୁ ନେଇ ଜଗତସିଂହପୁର ଜିଲ୍ଲା ପ୍ରଶାସନ ପକ୍ଷରୁ ପ୍ରାକ୍ ପ୍ରସ୍ତୁତିି ଆରମ୍ଭ ହୋଇଛି । ଭିଡିଓ କନଫରେନସିଂ ଜରିଆରେ ଜିଲ୍ଲାପାଳ ସଂଗ୍ରାମ କେଶରୀ ମହାପାତ୍ର କୁଜଙ୍ଗ, ବାଲିକୁଦା, ଏରସମା, ଓ ତ୍ରିର୍ତ୍ତୋଲ ବିଡ଼ିଓଙ୍କ ସହ ଆଲୋଚନା କରିବା ସହ ସମସ୍ତ ଅଧିକାରୀଙ୍କ ଛୁଟି ବାତିଲ କରିଛନ୍ତି । ତଳିଆ ଅଞ୍ଚଳରେ ବସବାସ କରିଥିବା ଲୋକଙ୍କୁ ସତର୍କ କରିବା ସହ 22 ତାରିଖ ସୁଦ୍ଧା ସେମାନଙ୍କୁ ବାତ୍ୟା ଆଶ୍ରୟସ୍ଥଳକୁ ନେବାକୁ ବ୍ୟବସ୍ଥା କରାଯିବାକୁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି।

ସମୁଦ୍ରକୂଳବର୍ତ୍ତୀ ଗାଁ ଗୁଡିକରେ ହାଇଆର୍ଲଟ ଜାରି କରାଯିବାକୁ କୁହାଯାଇଛି । ପଯ୍ୟାପ୍ତ ପରିମାଣରେ, ଚୁଡ଼ା, ଗୁଡ଼ ଓ ପଲିଥିନ ଆଦି ମହଜୁଦ ରଖିବାକୁ ସମସ୍ତ ବିଡ଼ିଓଙ୍କୁ ନିର୍ଦ୍ଦେଶ ଦିଆଯାଇଛି । ବଙ୍ଗୋପସାଗରରେ ସୃଷ୍ଟ ବାତ୍ୟା ୟସ କେଉଁଠି ଲ୍ୟାଣ୍ଡ ଫଲ କରିବ ଏହାର ସବିଶେଷ ତଥ୍ୟ ଜଣାପଡିନଥିବାରୁ ଲୋକେ ଭୟଭୀତ ନ ହେବାକୁ ଜିଲ୍ଲାପାଳ ପରାମର୍ଶ ଦେଇଛନ୍ତି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ