ଜଗତସିଂହପୁର: ଇଟିଭି ଭାରତର ପ୍ରଭାବ, ଖବର ପ୍ରସାରଣ ପରେ ସହାୟତାର ହାତ ବଢାଇଲା ପ୍ରଶାସନ। ଘରର ତିନି ଜଣ ଛୋଟ ଶିଶୁ ଦିବ୍ୟାଙ୍ଗ । ଏ ଭଳି ଅଭାବନୀୟ ପରିସ୍ଥିତି ସୃଷ୍ଟି ହୋଇଛି ଜଗତସିଂହପୁର ଜିଲ୍ଲା ଏରସମା ବ୍ଲକ ଅନ୍ତର୍ଗତ ଯାମୁକଣା ଗ୍ରାମର ଦିଲ୍ଲୀପ ମଲ୍ଲିକଙ୍କ ପରିବାରରେ।
ଦିଲ୍ଲୀପ ମଲ୍ଲିକଙ୍କ ପରିବାରର ତିନୋଟି ସନ୍ତାନ ଅଛନ୍ତି। ଦୁଇଟି ଝିଅ ଓ ଏକ ପୁତ୍ର ସନ୍ତାନ । ଦିନେ ହଠାତ ସେମାନଙ୍କୁ ବାତ ମାରିଥିଲା। ଏହା ପରେ କଟକ ଶିଶୁଭବନ ନେଇ ଚିକିତ୍ସା କରାଇଥିଲେ। ଏହାର ଦୁଇ ମାସ ପରେ ହାତ ଓ ଗୋଡ଼ ବଙ୍କା ହୋଇଯିବା ସହ ଧୀରେ ଧୀରେ ଦିବ୍ୟାଙ୍ଗ ହୋଇ ଯାଇଥିଲେ। ପରିବାର ଲୋକେ ତିନି ସନ୍ତାନକୁ ଧରି କଟକ ବଡ଼ ମେଡିକାଲକୁ ଯାଇଥିଲେ । ସେଠାରେ ରହିବା ଓ ଚିକିତ୍ସା କରାଇବା ଦିଲୀପଙ୍କ ପାଖରେ ସମ୍ଭବ ହୋଇ ପାରିନଥିଲା। ସେ ଗାଁକୁ ଫେରି ଆସି ଏବେ ଭଗବାନଙ୍କ ଭରସାରେ ପିଲା ତିନୋଟିକୁ ଛାଡି ଦେଇଥିଲେ। ଦିଲ୍ଲୀପ ଦିନ ମଜୁରିଆ ଭାବେ କାମ କରି ପରିବାର ପ୍ରତିପୋଷଣ କରନ୍ତି । ଅଭାବନ ଅନଟନର ପରିବାରରେ ଏ ଭଳି ବଜ୍ର ପଡିବା ଭଳି ପରିସ୍ଥିତି । ଏ ଭଳି ସ୍ଥିତିରେ ଦୟନୀୟ ସ୍ଥିତିରେ ଥିଲା ପରିବାର ଏହାକୁ ନେଇ ଇଟିଭି ଭାରତରେ ଖବର ପ୍ରସାରଣ କରିଥିଲା ।