ଜମିବାଡିକୁ ନେଇ ଗୋଷ୍ଠୀ ସଂଘର୍ଷ

ଜମିବାଡି ବିବାଦକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ । ଜଗତସିଂହପୁର ଲକ ଥାନା ଅନ୍ତର୍ଗତ ସିଙ୍ଗଟାଳି ଗ୍ରାମର ଘଟଣା । ଅଧିକ ପଢନ୍ତୁ...

ଜଗତସିଂହପୁର: ଜମିବାଡି ବିବାଦକୁ କେନ୍ଦ୍ରକରି ଗୋଷ୍ଠୀ ସଂଘର୍ଷ । ଜଗତସିଂହପୁର ଜିଲ୍ଲା ପାରାଦ୍ବୀପ ଲକ ଥାନା ଅଞ୍ଚଳରୁ ଏହି ଘଟଣା ସାମ୍ନାକୁ ଆସିଛି । ଏ ସଂକ୍ରାନ୍ତରେ ଥାନାରେ ଅଭିଯୋଗ ପରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।

ପୋଲିସ ସୂଚନା ମୁତାବକ, ଲକ ଥାନା ଅନ୍ତର୍ଗତ ସିଙ୍ଗଟାଳି ଗ୍ରାମର ପ୍ରକାଶ ବେହେରା ନାମକ ଜଣେ ବ୍ୟକ୍ତିଙ୍କ ଜମିକୁ ଅନ୍ୟ ଜଣେ ବ୍ୟକ୍ତି ଜୋର ଜବରଦସ୍ତ ଅକ୍ତିଆର କରିବା ସହ ସେଠାରେ ଗୃହ ନିର୍ମାଣ କରିଥିଲେ । ଏହାକୁ ନେଇ ଉଭୟଙ୍କ ମଧ୍ୟରେ ଝଗଡା ଲାଗିଥିଲା। ପରେ ପ୍ରକାଶ କୁଜଙ୍ଗ କୋର୍ଟରେ ଏକ ମାମଲା ଦାୟର କରିଥିଲେ । କୋର୍ଟରେ ମାମଲା ଵିଚାରଧୀନ ଥିବାବେଳେ ଗୁରୁବାର ଉଭୟଙ୍କ ମଧ୍ୟରେ ପୁଣି ସଂଘର୍ଷ ହୋଇଛି । ଏପରିକି ସଂଘର୍ଷରେ ଉଭୟ ପକ୍ଷ ଆହତ ହୋଇଥିବା ମଧ୍ୟ ଜଣାପଡିଛି । ପୋଲିସ ଘଟଣାସ୍ଥଳରେ ପହଞ୍ଚି ସେମାନଙ୍କ ସହ ଆଲୋଚନା କରିଛି ।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ