ଜଗତସିଂହପୁର: ଜିଲ୍ଲା ପୌରସଂସ୍ଥା ପକ୍ଷରୁ ଧାର୍ଯ୍ୟ ହୋଲଡିଂ ଟ୍ୟାକ୍ସ ବାବଦରେ ଜିଲା ପ୍ରଶାସନ ଉପରେ ଲକ୍ଷ ଲକ୍ଷ ଟଙ୍କାର ବକେୟା ଗଡୁଥିବା ନଜର କୁ ଆସିଛି। ବର୍ଷ ବର୍ଷ ଧରି ପୌରାଞ୍ଚଳରେ ଗଢି ଉଠିଥିବା ସରକାରୀ କାର୍ଯ୍ୟାଳୟ ଓ ଆବାସିକ ଘର ବାବଦକୁ ହୋଲଡିଂ ଟ୍ୟାକ୍ସ ପୈଠ କରାଯାଉନାହିଁ । ଏପରିକି ଜିଲ୍ଲାପାଳ ଙ୍କ ଆବାସିକ କାର୍ଯ୍ୟାଳୟ ଉପରେ ହୋଲଡିଂ ଟିକସ ବାକି ପଡିଥିବା ସୂଚନା ମିଳିଛି ।
ଭିଡିଓ ସୌଜନ୍ୟ- ପ୍ରତିିନିଧି, ଜଗତସିଂହପୁର
ଯେଉଁଠି ସରକାରୀ ଅଫିସ ନିୟମିତ ଟିକସ ପୈଠ କରୁନି ସେଠି ଅନ୍ୟ ମାନଙ୍କ କଥା କିଏ ପଚାରେ। ଏବେ ଏଦିଗରେ ପୌର ପ୍ରଶାସନ ତତ୍ପର ହୋଇଉଠିଛି । ଟିକସ ଖିଲାପକାରୀଙ୍କ ତାଲିକା ପ୍ରସ୍ତୁତ କରି ଏହାକୁ ସାର୍ବଜନୀନ କରିବା ଓ ବିଭିନ୍ନ ୱାର୍ଡରେ ଲଟକା ଲଗାଇବା ଯୋଜନାରେ ରହିଛି ପୌର ପ୍ରଶାସନ।