ଜଗତସିଂହପୁର :ପାରାଦ୍ଵୀପ ପିପିଏଲ ସାର କାରଖାନା ମୁଖ୍ୟ ଫାଟକ ସମ୍ମୁଖରେ ଲାଇନଚ୍ୟୁତ ହୋଇଛି ଟ୍ରେନ । ୪ ଟି ବଗି ଲାଇନଚ୍ୟୁତ ହୋଇଥିବା ଯୋଗୁଁ ପିପିଏଲ କାରଖାନାକୁ ରସ୍ତା ବନ୍ଦ ହୋଇଯାଇଛି । ଫଳରେ ଯାଆସ କରିବା ପାଇଁ ଲୋକେ ନାହିଁ ନ ଥିବା ଅସୁବିଧାର ସମ୍ମୁଖିନ ହେଉଛନ୍ତି ।
ମିଳିଥିବା ସୂଚନା ଅନୁସାରେ ଟ୍ରେନଟି ପିପିଏଲ କାରଖାନାରୁ ଜିପସମ ନେବାକୁ ଆସୁଥିଲା । କାରଖାନର ଫାଟକ ନିକଟରେ ଏହାର ୪ ଟି ବଗି ଲାଇନଚ୍ୟୁତ ହୋଇଯାଇଥିଲା । ଟ୍ରେନ ଲାଇନରୁ ବଗି ବାହାରି ଯାଇଥିଲା । ତେବେ ଏଥିରେ କୈାଣସି କ୍ଷତି ହୋଇ ନଥିବା ବେଳେ କେହି ମୃତାହତ ମଧ୍ୟ ହୋଇ ନାହାଁନ୍ତି । ଏକ ମେସିନ ସାହାଯ୍ୟରେ ବଗିକୁ ଲାଇନ ଉପରକୁ ନେବାକୁ ଉଦ୍ୟମ ଜାରି ରହିଛି । ତେବେ ଟ୍ରେନ ଲାଇନଚ୍ୟୁତର କାରଣ ସ୍ପଷ୍ଟ ଜଣାପଡି ନାହିଁ । ଲାଇନ ଉପରେ ଗୋଡ଼ି ପଡ଼ିଥିବାରୁ ଏପରି ଅଘଟଣ ଘଟିଥିବା ଅନୁମାନ କରାଯାଉଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର ,ଇଟିଭି ଭାରତ