ଧନତେରାସ ଉପରେ କୋରୋନା ମାଡ଼, ସୁନା ବ୍ୟବସାୟ

ଧନତେରସ ଭଳି ଦିନରେ ବି ସୁନା ବ୍ୟବସାୟରେ ଦେଖାଦେଇଛି ମାନ୍ଦାବସ୍ଥା । ଜଗତସିଂହପୁର ସହରରେ ପ୍ରତି ବର୍ଷ ଦିପାବଳୀ ଓ ଧନତେରସରେ ପ୍ରାୟ 40 ରୁ 50 କୋଟିର ସୁନା ବେବସାୟ ହୋଇଥାଏ। ହେଲେ ଚଳିତ ବର୍ଷ ବେପାର ମାନ୍ଦା ରହିଛି । ଅଧିକ ପଢନ୍ତୁ...

ଜଗତସିଂହପୁର: ରାଜ୍ୟରେ ଲାଗି ରହିଛି ମହାମାରୀ କୋରୋନା ସଂକଟ । ଅର୍ଥବ୍ୟବସ୍ଥା ଉପରେ ପଡିଛି ଏହାର ବଡ ପ୍ରଭାବ । ତେବେ ଏପରିସ୍ଥିତିରେ ଧନତେରସ ଭଳି ଦିନରେ ବି ସୁନା ବ୍ୟବସାୟରେ ଦେଖାଦେଇଛି ମାନ୍ଦାବସ୍ଥା ।

ଜଗତସିଂହପୁର ସହରରେ ପ୍ରତି ବର୍ଷ ଦିପାବଳୀ ଓ ଧନତେରସରେ ପ୍ରାୟ 40 ରୁ 50 କୋଟିର ସୁନା ବେବସାୟ ହୋଇଥାଏ। ହେଲେ ଚଳିତ ବର୍ଷ ବେପାର ମାନ୍ଦା ରହିଛି । କୋରୋନା ପ୍ରଭାବ ଓ ସୁନା ରୁପା ଦର ବୃଦ୍ଧି କାରଣରୁ ଲୋକେ କିଣିବା ପାଇଁ ମନ ବଳଉ ନାହାଁନ୍ତି । ଅନ୍ୟ ପକ୍ଷରେ କୋରୋନା କଟକଣା ଯୋଗୁଁ ଲୋକଙ୍କ ଆର୍ଥିକ ଅବସ୍ଥା ବିଗିଡି ଯାଇଛି । ଫଳରେ ପାଖରେ ଅର୍ଥର ଅଭାଵ ହେତୁ ଲୋକେ ସୁନା କିଣିବାକୁ ଆସୁନଥିବା ବ୍ୟବସାୟୀମାନେ କହିଛନ୍ତି।

ଜଗତସିଂହପୁର ସହରରେ 24 କ୍ୟାରେଟ ସୁନାର ମୂଲ୍ୟ 10 ଗ୍ରାମ ପ୍ରତି 51 ହଜାର ଟଙ୍କାରେ ବିକ୍ରି ହେଉଥିବା ବେଳେ 3 ପ୍ରତିଶତ ଜିଏସଟି ଓ ମେକିଙ୍ଗ ଚାର୍ଜ ହିସାବ କଲେ 10 ଗ୍ରାମ ସୁନାର ମୂଲ୍ୟ 53 ହଜାର ଟଙ୍କା ରହୁଛି, ଯାହା ଲୋକଙ୍କ ପକେଟକୁ ବେଶ ବାଧୁଛି । ସେହିପରି ରୂୁପାର ଦାମ କିଲୋପ୍ରତି 60 ହଜାର ରହିଥିବା ବେଳେ 3 ପ୍ରତିଶତ ଜିଏସଟି ଓ ଗଢ଼ା ମଜୁରୀ ହିସାବକୁ ନେଲେ 65 ହଜାର ଟଙ୍କା ରହିଛି । ଶୁକ୍ରବାର ସୁନା ଓ ରୁପା ବ୍ଯବସାୟ ଭଲ ହେବ ବୋଲି ବ୍ୟବସାୟୀମାନେ ଆଶା ରଖିଛନ୍ତି ।


ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ