ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ, ଲକ୍ଷାଧିକ ଟଙ୍କାର ସମ୍ପତ୍ତି ନଷ୍ଟ

ଢିଅସାହି ବଜାରରେ ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ । ଏଥିରେ କେହି ମୃତାହାତ ହୋଇନଥିବା ବେଳେ ଳକ୍ଷାଧିକ ଟଙ୍କାର କ୍ଷତି ଘଟିଥିବା ଜଣାପଡିଛି । ଅଧିକ ସୂଚନା ପାଇଁ ପଢନ୍ତୁ...

ଜଗତସିଂହପୁର: ଢିଅସାହି ବଜାରରେ ଗ୍ୟାସ ସିଲିଣ୍ଡର ଫାଟି ଅଗ୍ନିକାଣ୍ଡ ଘଟିଛି । ଏଥିରେ ଏକାଧିକ ଦୋକାନଘର ପୋଡି ଭସ୍ମିଭୂତ ହୋଇଯାଇଛି । ସୋମବାର ଅପରାହ୍ନରେ ଢିଅସାହି ବଜାରର ଏକ ଜଳଖିଆ ଦୋକାନରେ ହଠାତ ଗ୍ୟାସ ସିଲେଣ୍ଡର ଫାଟି ନିଆଁ ଲାଗି ଯାଇଥିଲା ।

ଅଗ୍ନିକାଣ୍ଡରେ ଦୁଇଟି ଷ୍ଟେସନାରୀ, ଦୁଇଟି ତେଜରାତୀ ଦୋକାନ ଓ ଦୁଇଟି ସେଲୁନ୍ ପୋଡି ଭସ୍ମିଭୂତ ହୋଇଯାଇଛି । ଖବର ପାଇ ଜଗତସିଂହପୁର ଦମକଳ ବାହିନୀ ଘଟଣା ସ୍ଥଳରେ ପହଁଛି ନିଆଁକୁ ଆୟତ କରିଛି । ତେବେ ଏଥିରେ କେହି ମୃତାହତ ହୋଇ ନଥିବା ବେଳେ ଲକ୍ଷାଧିକ ଟଙ୍କା ସରଞ୍ଜାମ ପୋଡି ପାଉଁଁଶ ହୋଇ ଯାଇଥିବା ଜଣାପଡିଛି ।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ