ଜଗତସିଂହପୁର: ଦଇବ ଏଠି ଦାଉ ସାଜିଛି । ଘରେ ବିଭିନ୍ନ ପ୍ରକାର ଅଭାବ ଅନାଟନ ଲାଗି ରହିଥିବାବେଳେ ଜନ୍ମ ହେଲାପରେ ପିଲା ଗୁଡିକ ହୋଇ ଯାଇଛନ୍ତି ଦିବ୍ୟାଙ୍ଗ। ଏଭଳି ଏକ ଘଟଣା ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ଏରସମା ବ୍ଲକ ଅନ୍ତର୍ଗତ ଯାମୁକଣା ଗ୍ରାମର ଦିଲ୍ଲୀପ ମଳିକଙ୍କ ପରିବାରରେ ।
ଚିକିତ୍ସା ପାଇଁ ଅର୍ଥ ସାଜିଛି ବାଧକ, ସରକାରୀ ସହାୟତା ଆଶାରେ ଦିବ୍ୟାଙ୍ଗ ଶିଶୁ
ସୂଚନାନୁସାରେ ଦିଲ୍ଲୀପ ଶ୍ରମିକ କାର୍ଯ୍ୟ କରି ଜୀବିକା ନିର୍ବାହ କରୁଥିବାବେଳେ ତାଙ୍କର ତିନୋଟି ସନ୍ତାନ ଅଛନ୍ତି । ଦୁଇଟି ଝିଅ ଓ ଏକ ପୁତ୍ର ସନ୍ତାନଙ୍କୁ ହଠାତ୍ ବାତ ମାରିଥିଲା। ପରେ ସେ କଟକ ଶିଶୁ ଭବନ ଯାଇ ଚିକିତ୍ସା ଉଭୟ ଶିଶୁଙ୍କୁ ଚିକିତ୍ସା କରିଥିଲେ । କିନ୍ତୁ ଏହାର ଦୁଇ ମାସ ପରେ ହାତ ଓ ଗୋଡ଼ ବଙ୍କା ହୋଇଯିବା ସହ ଧୀରେ ଧୀରେ ବିକଳାଙ୍ଗ ହୋଇ ଯାଇଛନ୍ତି ।