ଟିକା ନେଇ ଆଖି ବୁଜିଲା ପାଞ୍ଚ ମାସର ଶିଶୁକନ୍ୟା !

ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅନ୍ତର୍ଗତ ସଦେଇପୁର ପଞ୍ଚାୟତ ଅମଣିଆ ପାଟଣା ଗ୍ରାମର ଦେବୀ ପ୍ରସାଦ ବାରିକଙ୍କ 5 ମାସର ଶିଶୁକନ୍ୟା ଟିକା ନେବା ପରେ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି।

ଜଗତସିଂହପୁର: ଜିଲ୍ଲା ଅମଣିଆ ପାଟଣା ଗ୍ରାମରେ ଅଘଟଣ । ଟିକା ନେଇ 5 ମାସର ଶିଶୁକନ୍ୟା ମୃତ୍ୟୁ ଘଟିଛି । ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅନ୍ତର୍ଗତ ସଦେଇପୁର ପଞ୍ଚାୟତ ଅମଣିଆ ପାଟଣା ଗ୍ରାମର ଦେବୀ ପ୍ରସାଦ ବାରିକଙ୍କ 5 ମାସର ଶିଶୁକନ୍ୟା ଟିକା ନେବା ପରେ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି।

ସୂଚନା ଅନୁସାରେ , ଦେବୀ ପ୍ରସାଦ ବାରିକ ନିଜ ପାଞ୍ଚ ମାସର ଶିଶୁ କନ୍ୟାକୁ ଟିକା ଦେବାପାଇଁ ଆଜି(ବୁଧବାର) ସକାଳେ ବାଲିକୁଦା ସ୍ବାସ୍ଥ୍ୟକେନ୍ଦ୍ରକୁ ନେଇଥିଲେ। ଟିକା ନେବା ପରେ ଶିଶୁ କନ୍ୟାଟି ଅସୁସ୍ଥ ହୋଇ ପଡ଼ିଥିଲା।

ପରିବାର ଲୋକେ ବାଲିକୁଦା ଡାକ୍ତରଖାନାରେ ଥିବା ଡାକ୍ତରଙ୍କୁ ଏ ସମ୍ପର୍କରେ ପଚରିବାରୁ ସେ ପାରାସିଟାମଲ ଦେବାକୁ କହିଥିଲେ। ପାରସିଟାମଲ ଖାଇବା ପରେ ଶିଶୁ କନ୍ୟାଟି ଅଧିକ ଅସୁସ୍ଥ ହୋଇ ପଡ଼ିଥିଲା। ପରିବାର ଲୋକେ ତାଙ୍କୁ ଜଗତସିଂହପୁର ମେଡ଼ିକାଲକୁ ଆଣିଥିଲେ। ସେଠାରେ ଡାକ୍ତର ଶିଶୁଟିକୁ ମୃତ ଘୋଷଣା କରିଛନ୍ତି ।

ଏହାକୁ ନେଇ ପରିବାର ଲୋକେ ଅଭିଯୋଗ କରିବା ସହ ଶିଶୁ କନ୍ୟାର ମୃତଦେହକୁ ଘରକୁ ନେଇ ନଥିଲେ। ମେଡ଼ିକାଲ କର୍ତ୍ତୃପକ୍ଷ ଶିଶୁକନ୍ୟାର ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଥିବା ଜଣାପଡ଼ିଛି।

ଜଗତସିଂହପୁର ରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ