ବନ୍ଧୁକ ମୁନରେ ପାଞ୍ଚ ଲକ୍ଷ ଲୁଟ !

ବନ୍ଧୁକ ଦେଖାଇ ଲୁଟିନେଲେ ଦୁର୍ବୁତ୍ତ । ଦୁଇଟି ବାଇକରେ ଆସି 4 ଜଣ ଲୁଟେରା 5 ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି ।

ଜଗତସିଂହପୁର: କଟକ-ପାରାଦୀପ ରାସ୍ତା ଗୋପାଳପୁର ନିକଟରେ ବନ୍ଧୁକ ଦେଖାଇ ୫ ଲକ୍ଷ ଟଙ୍କାର ସୁନା ଅଳଙ୍କାର ଲୁଟ୍ ହୋଇଥିବା ଅଭିଯୋଗ ହୋଇଛି । ଭୁବନେଶ୍ବରର ସପରିବାର ନିଜ ଗାଁକୁ ଫେରିବା ବାଟରେ ୪ ଜଣ ଲୁଟେରା ୨ ଟି ବାଇକରେ ପିଛାକରି ବନ୍ଧୁକ ଦେଖାଇ ସୁନା ଗହଣା ଲୁଟ୍ କରିଛନ୍ତି ।

ଏହା ସହ ଗାଡିର କାଚ ଭାଙ୍ଗିବା ସହ ମାଡ ମାରିଥିବା ମଧ୍ୟ ଅଭିଯୋଗ ହୋଇଛି । ଘଟଣା ଘଟାଇବା ପରେ ଦୁର୍ବୁତ୍ତ ମାନେ ଫେରାର ହୋଇଯାଇଛନ୍ତି । ପୋଲିସ ଘଟଣା ସ୍ଥଳରେ ପହଁଛି ଖୋଳତାଡ ଆରମ୍ଭ କରିଛି ।

ଜଗତସିଂହପୁରରୁ ସୁଶାନ୍ତ ପାତ୍ର, ଇଟିଭି ଭାରତ