ଜଗତସିଂହପୁର: ପୂର୍ବତନ ମନ୍ତ୍ରୀ ତଥା ଦିବ୍ୟଙ୍ଗତ ବିଜେଡି ନେତା ବିଷ୍ଣୁ ଦାଶଙ୍କ ପୁଅ ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାଶଙ୍କ ପ୍ରେମ ବିବାହକୁ ନେଇ ବିବାଦ ଘଟଣା । ଗତକାଲି ବିବାହ ପାଇଁ ସମୟ ଧାର୍ଯ୍ୟ ହୋଇଥିବା ବେଳେ ପହଞ୍ଚିନଥିଲେ ବିଧାୟକ । ଏଥିଲାଗି ଜଗତସିଂହପୁର ଥାନାରେ ଏତଲା ଦେଇଛନ୍ତି ପ୍ରେମିକା ସୋମାଲିକା ଦାଶ ।
ତିର୍ତ୍ତୋଲ ବିଧାୟକଙ୍କ ନାଁରେ ଏତଲା ଦେଲେ ପ୍ରେମିକା
ଗତକାଲି ବିବାହ ପାଇଁ ତାରିଖ ଧାର୍ଯ୍ୟ ହୋଇଥିବା ବେଳେ ସୋମାଲିକା ଓ ତାଙ୍କ ପରିବାର ଲୋକେ ଜଗତସିଂହପୁର ସ୍ଥିତ ସବରେଜିଷ୍ଟ୍ରାର ଅଫିସରେ ପହଞ୍ଚିଥିଲେ । ମାତ୍ର ତିର୍ତ୍ତୋଲ ବିଧାୟକଙ୍କୁ ଦେଖିବାକୁ ମିଳିନଥିଲା । ତେବେ କନ୍ୟା ପକ୍ଷର ଲୋକଙ୍କୁ ଫେରିବାକୁ ପଡିଥିଲା । ଆଜି ପ୍ରେମିକା ସୋମାଲିକା ଜଗତସିଂହପୁର ଥାନାକୁ ଆସି ବିଧାୟକ ବିଜୟ ଶଙ୍କର ଦାସ, ବିଜୟଙ୍କ ଦାଦା ମାନସ ଦାସ ଓ ଦିଲ୍ଲୀପ ଦାସଙ୍କ ନାମରେ ଏତଲା ଦେଇଥିବା ଜଣାପଡ଼ିଛି ।