ଜଗତସିଂହପୁର: ଆସ୍ଥା ଓ ବିଶ୍ବାସର ପ୍ରତୀକ ମା' ଲକ୍ଷ୍ମୀ । କେଉଁ ଅନାଦି କାଳରୁ ମା' ଙ୍କ ଆରାଧନା କରିଆସୁଛନ୍ତି ନବାପାଟଣା ଗ୍ରାମବାସୀ । 8 ହଜାର ଜନସଂଖ୍ୟା ବିଶିଷ୍ଟ ଏହି ଗ୍ରାମରେ 18 ଟି ସାହି ରହିଛି । କୁମାର ପୂର୍ଣ୍ଣିମା ଆସିଗଲେ, କି ହିନ୍ଦୁ କି ମୁସଲମାନ, ସମସ୍ତେ ଏକାକାର ହୋଇ ଉଠନ୍ତି ମା'ଙ୍କ ଆରାଧନା କରିବାକୁ । ପ୍ରତ୍ୟେକ ସାହିରେ ମା'ଙ୍କ ମୂଣ୍ମୟୀ ମୂର୍ତ୍ତି ପୂଜା କରାଯାଏ ଭକ୍ତି ଓ ଭାବର ସହିତ ।
ଶହେ ବର୍ଷର ଲକ୍ଷ୍ମୀପୂଜା, ଭକ୍ତର ପୂଜାପାଇଁ ଶ୍ରୀକ୍ଷେତ୍ରରୁ ଚାଲିଆସନ୍ତି ମା' ଲକ୍ଷ୍ମୀ
ଭକ୍ତର ପୂଜାପାଇଁ ଶ୍ରୀକ୍ଷେତ୍ରରୁ ଚାଲିଆସନ୍ତି ମା' ଲକ୍ଷ୍ମୀ । ସାତଦିନ ଧରି ସମ୍ପୂର୍ଣ୍ଣ ରୀତିନୀତିରେ ପୂଜା ପରେ ପୁଣି ଫେରିଯାଆନ୍ତି ବଡ ଦେଉଳକୁ । ଏପରି ଆସ୍ଥା ଓ ବିଶ୍ବାସ ରହିଛି ଗ୍ରାମବାସୀଙ୍କ ମନରେ । ଏହାକୁ ନେଇ ଘରେ ଘରେ ପିଠାପଣା ସାଙ୍ଗକୁ,ଝୋଟି ଚିତାରେ, ଆକର୍ଷଣୀୟ ହୋଇ ଉଠେ ଗାଁ ପରିବେଶ । ଶହେ ବର୍ଷ ପୁରାତନ ଏ ପୂଜା ହେଉଛି ଭାଇଚାରକୁ ଗୋଟିଏ ସୂତ୍ରରେ ବାନ୍ଧି ରଖିଥିବା ଜଗତସିଂହପୁର ଜିଲ୍ଲା ନବାପଟଣା ଗ୍ରାମର । କୁମାରୀ ଲକ୍ଷ୍ମୀଙ୍କ ପୂଜା ପାଇଁ ଜିଲ୍ଲା ବେଶ ସୁପରିଚିତ ।