ଜଗତସିଂହପୁର: ଆଜି ହେଉଛି ମାଣବସାର ଶେଷ ପାଳି । ଗାଁଠାରୁ ସହର ବିଭିନ୍ନ ସ୍ଥାନରେ ଝୋଟି ଚିତାରେ ମା'ଙ୍କୁ ପୂଜାର୍ଚ୍ଚନା କରାଯାଉଛି । ଅନ୍ୟପଟେ କୋରୋନା କାରଣରୁ ଜିଲ୍ଲାର ପ୍ରମୁଖ ମନ୍ଦିର ସର୍ବସାଧାରଣଙ୍କ ପାଇଁ ବନ୍ଦ ରହିଥିବାବେଳେ କଟକଣା ମଧ୍ୟରେ ଜିଲ୍ଲାର ପ୍ରାୟ 60ଟି ସ୍ଥାନରେ ମା'ଙ୍କୁ ପୂଜାର୍ଚ୍ଚନା କରାଯାଉଛି ।
ମାଣବସାର ଶେଷ ଗୁରୁବାର ହୋଇଥିବାରୁ ଗାଁ ଗହଳିରେ ଝୋଟିଚିତା ସାଙ୍ଗକୁ ମା' ଧନଦାତ୍ରୀଙ୍କ ପୂଜାର୍ଚ୍ଚନା କରାଯିବା ସହ ଗୃହିଣୀମାନେ ମାଣ ବସାଇଥିବାର ଦୃଶ୍ୟ ଦେଖିବାକୁ ମିଳିଛି । ଗାଁ ଗହଳିର ବିଭିନ୍ନ ସ୍ଥାନରେ ଲକ୍ଷ୍ମୀନାରାୟଣଙ୍କ ମୂର୍ତ୍ତିକୁ ମଣ୍ଡପରେ ପୂଜା କରାଯାଉଛି । ସେପଟେ ମହାମାରୀ ସମୟ ପାଇଁ ସହରର ବିଭିନ୍ନ ଲକ୍ଷ୍ମୀ ମନ୍ଦିରରେ ମା'ଙ୍କ ଦର୍ଶନକୁ ଶ୍ରଦ୍ଧାଳୁମାନଙ୍କ ପାଇଁ ବାରଣ କରାଯାଇଛି ।
ମାଣବସା ଶେଷ ଗୁରୁବାର: ଜିଲ୍ଲାରେ ଉତ୍ସବମୁଖର ପୁରଠୁ ପଲ୍ଲୀ