ଜଗତସିଂହପୁର:କୁଜଙ୍ଗ ଅଞ୍ଚଳରେ ବହୁ ଚର୍ଚ୍ଚିତ ଇଞ୍ଜିନିୟର ଅମୃତ ଦାଶ ହତ୍ୟା ଘଟଣା । ଏନେଇ ପାରାଦ୍ୱୀପରେ ସାମ୍ବାଦିକ ସମ୍ମିଳନୀ କରି ରାଜ୍ୟ ସରକାରଙ୍କ ଉପରେ ବର୍ଷିଲେ ମୃତ ଅମୃତ ଦାଶଙ୍କ ମାଆ ଓ ଭାଇ । ଏଥସହ ନ୍ୟାୟ ଭିକ୍ଷା ପାଇଁ ସୁପ୍ରିମକୋର୍ଟ ମୁଖ୍ୟ ବିଚାରପତିଙ୍କ ଉର୍ଦ୍ଦେଶ୍ୟରେ ଦାବି ପତ୍ର ପ୍ରଦାନ କରିଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ।
ମୃତ ଅମୃତଙ୍କ ଭାଇ ସୁବ୍ରତ ଦାଶ ଅଭିଯୋଗ କରିଛନ୍ତି ଯେ,'' ମୋ ଭାଇ ୨୦୧୯ ଜୁଲାଇ ୨୦ ତାରିଖରେ କଟକରୁ କୁଜଙ୍ଗ ଫେରୁଥିବା ସମୟରେ ତିର୍ତ୍ତୋଲ ଥାନା ନିକଟରେ ତାଙ୍କୁ କେହି ହତ୍ୟା କରି ଫୋପାଡ଼ି ଦେଇ ଚାଲି ଯାଇଥିଲା । କିନ୍ତୁ ପୋଲିସ ଏ ଘଟଣାରେ ତଦନ୍ତ ନକରି ସଡକ ଦୁର୍ଘଟଣାର ରୂପ ଦେଇଥିଲା । ଏଥସହ ବିନା ତଦନ୍ତରେ କେଶକୁ ରଫାଦଫା କରିଥିବା ସାମ୍ବାଦିକ ସମ୍ମିଳନୀରେ କହିଛନ୍ତି ସୁବ୍ରତ ।''
ପୂର୍ବରୁ ଏହି ହତ୍ୟା ଘଟଣା ନେଇ ମୃତ ଅମୃତଙ୍କ ପରିବାର ରାଜ୍ୟପାଳ ଓ ମୁଖ୍ୟମନ୍ତ୍ରୀଙ୍କ ଦ୍ୱାରସ୍ଥ ହୋଇଥିଲେ ମଧ୍ୟ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇ ନଥିଲା । ପରିବାର ଲୋକେ ବାଧ୍ୟହୋଇ ଲୋକସଭା ଭବନ ସମ୍ମୁଖରେ ଆତ୍ମହୁତି ଉଦ୍ୟମ କରିଥିଲେ । ସେହି ସମୟରେ ସରକାରଙ୍କ ପକ୍ଷରୁ ତାଙ୍କୁ ନ୍ୟାୟ ପ୍ରଦାନ ପାଇଁ ପ୍ରତିଶ୍ରୁତି ଦିଆଯାଇଥିଲା । କିନ୍ତୁ ଏହି ଘଟଣାକୁ ଦୁଇବର୍ଷ ବିତି ଯାଇଥିଲେ ମଧ୍ୟ ଆଜି ପର୍ଯ୍ୟନ୍ତ କୌଣସି ପ୍ରକାର କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ ।