ପାରାଦ୍ବୀର:ଛାତ୍ର ନିଖୋଜ ଘଟଣାକୁ 4 ଦିନ ବିତିଲାଣି ହେଲେ ପୋଲିସ ହାତ ଖାଲି । କୌଣସି ପଦକ୍ଷେପ ନେଇନାହିଁ ପୋଲିସ । ଘଟଣାରେ ଥାନା ଘେରାଉ କରିଛନ୍ତି ପରିବାର । ପାରାଦ୍ବୀପ ଲାଇଟ ହାଉସ ନିକଟ ସମୁଦ୍ର କୂଳରୁ ନିଖୋଜ ହୋଇଥିଲେ ନବମ ଶ୍ରେଣୀ ଛାତ୍ର। ଯାହାକୁ ନେଇ ପାରାଦ୍ବୀପ ଜଟାଧାରୀ ମୁହାଣ ସାମୁଦ୍ରିକ ଥାନା ଘେରାଉ କରିଛନ୍ତି ନିଖୋଜ ଛାତ୍ର ପ୍ରିତମ ଦାସଙ୍କ ପରିବାର ଓ ଗୋପାଳଜୀୟୁ କଲୋନୀ ବାସିନ୍ଦା। ଥାନା ଘେରାଉ କରିବା ସହିତ ଅଭିଯୋଗ ପୁଅର ତୁରନ୍ତ ଖୋଜିବାକୁ ଅଡି ବସିଛନ୍ତି ପରିବାର ।
ସୂଚନାଅନୁସାରେ, ପ୍ରିତମ ନିଖୋଜ ହେବା ଦିନ ସ୍କୁଲରୁ ଛୁଟି ହୋଇ ଘରକୁ ଫେରିବା ବଦଳରେ ସମୁଦ୍ର କୂଳକୁ ଯାଇଥିଲା । ଆଉ ଘରକୁ ଫେରି ନଥିଲା । ନିଖୋଜ ପ୍ରିତମ ସହିତ ତାର ଦୁଇ ଜଣ ସାଙ୍ଗ ସାଥିହୋଇ ସମୁଦ୍ରକୁ ଆସିଥିଲେ । ଦୁଇ ସାଙ୍ଗ ଘରକୁ ଫେରିଥିଲେ ମଧ୍ୟ ପ୍ରୀତମ ଘରକୁ ଫେରିନଥିଲା । ଅପରାହ୍ନରେ ଘର ଲୋକେ ପ୍ରିତମର ସାଇକେଲ, ସ୍କୁଲବ୍ୟାଗ, ଜୋତା ଓ ପ୍ୟାଣ୍ଟ ସମୁଦ୍ର କୂଳରେ ପଡ଼ିଥିବା ଖବର ପାଇ ଲାଇଟହାଉସ ନିକଟସ୍ଥ ସମୁଦ୍ର କୂଳରେ ପରିବାର ଲୋକଙ୍କ ସହିତ କଲୋନୀ ବାସିନ୍ଦାଙ୍କ ଭିଡ଼ ଜମିଥିଲା ।