ଜଗତସିଂହପୁର: ଭୂତ ନେଉଥିଲା ଭତ୍ତା। ତାହା ପୁଣି ମାସ ମାସ ଧରି । ଆଖିରେ ଅଙ୍ଗୁଳି ଗେଞ୍ଜି ଲୁଟୁଥିଲେ ସରକାରୀ ଅର୍ଥ। ଏହି ଘୋଟାଲା ସମ୍ପର୍କରେ ପ୍ରଥମେ 'ଇଟିଭି ଭାରତ'ରେ ଖବର ପ୍ରସାରଣ ପରେ ପ୍ରଶାସନର ନିଦ ଏବେ ଭାଙ୍ଗିଛି। ଜିଲ୍ଲାପାଳଙ୍କ ନିର୍ଦ୍ଦେଶରେ ବୁଧବାର ଉପଜିଲ୍ଲାପାଳ ତଦନ୍ତ ଆରମ୍ଭ କରିଛନ୍ତି।
ଇଟିଭି ଭାରତ ଇଫେକ୍ଟ; ଭତ୍ତା ଘୋଟାଲାର ତଦନ୍ତ କଲା ପ୍ରଶାସନ
ଜିଲ୍ଲାର ସଦର ବ୍ଲକ ଅନ୍ତର୍ଗତ ଖଇରଙ୍ଗ ପଞ୍ଚାୟତ ରେ ମୃତ ବ୍ୟକ୍ତିଙ୍କ ନାମରେ ଭତ୍ତା ଟଙ୍କା ଉଠାଯିବା ଘଟଣା ସୂଚନା ଅଧିକାର ଆଇନ ବଳରେ ଜଣାପଡିବା ପରେ ପ୍ରଥମେ 'ଇଟିଭି ଭାରତ'ରେ ଖବର ପ୍ରସାରଣ ହୋଇଥିଲା। ଖବର ପ୍ରସାରଣ ପରେ ବୁଧବାର ଜିଲ୍ଲାପାଳ ତଦନ୍ତ ନିର୍ଦ୍ଦେଶ ଦେଇଥିଲେ।