ଜଗତସିଂହପୁର: ଦୀର୍ଘ ୧୫ ଦିନ ହେଲା କଟକ ବଡ଼ ମେଡିକାଲରୁ ନିଖୋଜ ହୋଇଯାଇଛନ୍ତି 80 ବର୍ଷ ବୟସ୍କ ଗନ୍ଧର୍ବ ଜେନା। ପରିବାର ପକ୍ଷରୁ ଏ ସମ୍ପର୍କରେ କୁଜଙ୍ଗ ଥାନାରେ ଏତଲା ଦେବା ସହିତ କଟକ ଦୌଡି ଦୌଡି ନୟାନ୍ତ ହେଲିଣି। ମାତ୍ର ତାଙ୍କର କୌଣସି ସୂଚନା ମିଳି ପାରୁ ନାହିଁ। ଯାହାକୁ ନେଇ ପରିବାର ଏବେ ଚିନ୍ତାରେ।
କଟକ ବଡ଼ ମେଡିକାଲ କୋଭିଡ ହସ୍ପିଟାଲରୁ ବୃଦ୍ଧ ନିଖୋଜ ଘଟଣା, ଚିନ୍ତାରେ ପରିବାର
ଗତ ମେ ମାସ ୧୪ ତାରିଖରେ ବୃଦ୍ଧ ଜଣକ କୋରୋନା ପଜିଟିଭ ଚିହ୍ନଟ ହୋଇ ଘରେ ହୋମ ଆଇସୋଲେସନରେ ଥିଲେ, ହେଲେ ୧୭ ତାରିଖରେ ତାଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ପାରାଦ୍ଵୀପ କୋଭିଡ ହସ୍ପିଟାଲକୁ ନିଆଯାଇଥିଲା। ପରେ ତାଙ୍କୁ ୨୧ ତାରିଖ ରାତିରେ କଟକ ଏସିବି ପଠା ଯାଇଥିଲା ଏବଂ ୨୨ ତାରିଖରେ ତାଙ୍କର କଟକରେ ଆଡ଼ମିଶନ କରାଯାଇଥିବା ରେଜିଷ୍ଟ୍ରାରରେ ଉଲ୍ଲେଖ ରହିଛି।