ଜଗତସିଂହପୁର: ଜିଲ୍ଲାର କୁଜଙ୍ଗ ବ୍ଲକ ପଙ୍କପାଳ ଗ୍ରାମରେ ଜଣେ ବ୍ୟକ୍ତିଙ୍କୁ ଡାକ୍ତର ଭୁଲ ଚିକିତ୍ସା କରିବାରୁ ତାଙ୍କୁ ଗୋଟିଏ ଗୋଡ଼ ହରାଇବାକୁ ବସିଥିବା ଅଭିଯୋଗ ହୋଇଛି । ଏବେ ତାଙ୍କ ସାହାରା ସାଜିଛନ୍ତି ନିଜର ଦୁଇ ବର୍ଷର ଝିଅ। ସେହି କୁନି ଝିଅଟି ଏବେ ନିଜ ବାପାଙ୍କୁ ଭଲ କରିଦେବା ପାଇଁ ଆକୁଳ ନିବେଦନ କରିଛନ୍ତି।
ଡାକ୍ତରଙ୍କ ଦାୟିତ୍ବ ହିନତା: ଗୋଡ ହରାଇ ପାରନ୍ତି ଦୁଷ୍ମନ୍ତ
ସୂଚନା ଅନୁସାରେ କୁଜଙ୍ଗ ବ୍ଲକ ପଙ୍କପାଳ ଗ୍ରାମର ଦୁଷ୍ମନ୍ତ ଦାସ ଏକ ଦୁର୍ଘଟଣାର ଶିକାର ହୋଇଥିଲେ, ଫଳରେ ତାଙ୍କ ଗୋଡରେ ଆଘାତ ଲାଗିଥିଲା। ଦୁଷ୍ମନ୍ତ କଟକ ଯାଇଥିଲେ ଚିକିତ୍ସା ପାଇଁ । ହେଲେ ଜନୈକ ଡାକ୍ତର ତାଙ୍କୁ ଭୁଲ ଚିକିତ୍ସା କରିଥିବା ଅଭିଯୋଗ ହୋଇଛି । ପରେ ଦୁଷ୍ମନ୍ତଙ୍କ ଗୋଡ଼ ସମ୍ପୂର୍ଣ୍ଣ ଅଚଳ ହୋଇଛି । ଗୋଡ଼ ଅଚଳ ହୋଇଯିବା ପରେ ସେ କଟକ ବଡ଼ ମେଡିକାଲରେ ଯାଇ ଦେଖାଇଥିଲେ । ହେଲେ ଡାକ୍ତର ତାଙ୍କୁ ଅଧିକ ଚିକିତ୍ସା ପାଇଁ ଓଡ଼ିଶା ବାହାରକୁ ଯିବା ପାଇଁ ପରାମର୍ଶ ଦେଇଥିଲେ ।