ଜଗତସିଂହପୁର: ଜିଲ୍ଲାରେ ଚଳିତ ବର୍ଷ କୋଭିଡ କଟକଣାରେ ଦୁର୍ଗା ପୂଜା ପାଳନ କରାଯିବାକୁ ନିଷ୍ପତ୍ତି ହୋଇଛି । ମଙ୍ଗଳବାର ଏସମ୍ପର୍କରେ ଜିଲ୍ଲା ପ୍ରଶାସନ ପକ୍ଷରୁ ଏକ ବୈଠକ, ଜିଲ୍ଲାପାଳଙ୍କ ସଦଦ୍ଭାବନା ସଭାଗୃହରେ ଅନୁଷ୍ଠିତ ହୋଇଥିଲା । ଏଥିରେ ଜଗତସିଂହପୁର ସହରର ସମସ୍ତ ପୂଜା ମଣ୍ଡପର କର୍ମକର୍ତ୍ତା ଉପସ୍ଥିତ ରହି ଚଳିତ ବର୍ଷ ପୂଜାକୁ କିପରି ଶୃଙ୍ଖଳିତ କରାଯାଇ ପାରିବ ସେ ନେଇ ଆଲୋଚନା ହୋଇଥିଲା । ପ୍ରଶାସନର ନିଷ୍ପତ୍ତି ଅନୁସାରେ ପ୍ରତ୍ୟେକ ପୂଜା ମଣ୍ଡପରେ ମୁଣ୍ମୟୀ ମୂର୍ତ୍ତିର ଉଚ୍ଚତା ୪ ଫୁଟରୁ କମ ରଖିବା ସହିତ ପୂଜା ମଣ୍ଡପର ତିନିପାଖ ବନ୍ଦ ରହିବ।
କୋଭିଡ କଟକଣାରେ ଜଗତସିଂହପୁରରେ ହେବ ଦୁର୍ଗାପୂଜା