ଜଗତସିଂହପୁର:ସମ୍ଭାବ୍ୟ ବନ୍ୟା ସ୍ଥିତିକୁ ନେଇ ଜିଲ୍ଲା ପ୍ରଶାସନ ପକ୍ଷରୁ ଆରମ୍ଭ ହୋଇଛି ପ୍ରସ୍ତୁତି । ଜିଲ୍ଲାର ଦକ୍ଷିଣରେ ପ୍ରବାହିତ ଦେବୀ ନଦୀରେ ବନ୍ୟା ପରିସ୍ଥିତି ଉପୁଜିବାର ଆଶଙ୍କା କମ ରହିଥିବା ବେଳେ ଆଳି ପିଙ୍ଗଳ ଜଳ ସେଚନ ବିଭାଗ ପକ୍ଷରୁ ସୂଚନା ମିଳିଛି ।
ସମ୍ଭାବ୍ୟ ବନ୍ୟା ପାଇଁ ପ୍ରଶାସନ ସଂପୂର୍ଣ୍ଣ ପ୍ରସ୍ତୁତ: ଜଳ ପ୍ରକଳ୍ପ ଅଧିକାରୀ
ତେବେ ବିଭାଗୀୟ ଅଧିକାରୀ କହିଛନ୍ତି ଯେ ବର୍ତମାନ ସୁଦ୍ଧା ଦେବୀନଦୀର ଜଳ ପତନ ଆଳି ପିଙ୍ଗଳ ଠାରେ 8 ମିଟର ରହିଛି । ଆଉ ବର୍ତମାନ ସୁଦ୍ଧା ନଦୀର ଜଳସ୍ତର ବିପଦ ସଙ୍କେତର ବହୁ ତଳେ ରହିଛି । ଯାହାକି ଆଳି ପିଙ୍ଗଳ ଠାରେ ଦେବୀ ନଦୀର ବିପଦ ସଙ୍କେତ 14 ମିଟର ରହିଛି । ତଥାପି ବି ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ବିଭିନ୍ନ ସ୍ଥାନରେ ହଜାର ହଜାର ସଂଖ୍ୟାରେ ବାଲିବସ୍ତା ମହଜୁଦ ରଖାଯିବା ସହ ନଦୀର ବନ୍ଧ କେଉଁଠାରେ ଦୁର୍ବଳ ରହିଛି ତାକୁ ଚିହ୍ନଟ କରାଯାଉଥିବା ନେଇ ଜଳ ପ୍ରକଳ୍ପ ଅଧିକାରୀ ସୂଚନା ଦେଇଛନ୍ତି ।