ଜଗତସିଂହପୁର:ବିସ୍ଥାପିତଙ୍କୁ କ୍ଷତି ପୂରଣ ନମିଳିବାରୁ ପାରାଦୀପ ତୈଳ ବିଶୋଧନାଗାର (Paradip Oil Refinery )ସମ୍ମୁଖରେ ଜମିହରା କୃଷକ ମଞ୍ଚ (Jamihara Krushak Mancha protest)ପକ୍ଷରୁ ଧାରଣା। ତୈଳ ବିଶୋଧନାଗାର ନିର୍ମାଣ ସମୟରେ 1752 ପରିବାର ବିସ୍ଥାପିତ ହୋଇଥିବା ବେଳେ ଆଜି ପର୍ଯ୍ୟନ୍ତ ସେମାନଙ୍କୁ କ୍ଷତିପୂରଣ ମିଳିନାହିଁ ।
ବିସ୍ଥାପିତ ହେବା ସମୟରେ କମ୍ପାନୀ ପକ୍ଷରୁ ବିସ୍ଥାପିତ ପରିବାରଙ୍କୁ କ୍ଷତି ପୂରଣ ଶହ ତୈଳ ବିଶୋଧନାଗାର ରେ ନିଯୁକ୍ତି ଦେବାକୁ ପ୍ରତିଶୃତି ଦିଆଯାଇଥିଲା । କିନ୍ତୁ ବର୍ଷ ପରେ ବର୍ଷ ବିତି ଯାଇଥିଲେ ବି ଭିଟାମାଟି ଦେଇଥିବା ବିସ୍ଥାପିତ ପରିବାରଙ୍କୁ ନାଁ ମିଳିଲା ଚାକିରି ନାଁ କ୍ଷତିପୂରଣ । ଫଳରେ ଏହାକୁ ନେଇ ଗତକାଲି ବିସ୍ଥାପିତ ପରିବାର ପକ୍ଷରୁ କମ୍ପାନୀ ସମ୍ମୁଖରେ ଧାରଣା ଦେବା ସହିତ 1752 ପରିବାର ବିକ୍ଷୋଭ ପ୍ରଦର୍ଶନ କରିଥିଲେ। ଏହି ଘଟଣାକୁ ନେଇ ତୈଳ ବିଶୋଧନାଗାର କର୍ତ୍ତୃପକ୍ଷ ବିକ୍ଷୋଭକାରୀଙ୍କୁ ଆଲୋଚନା ପାଇଁ ଡାକିଥିବା ଖବର ମିଳିଥିଲା ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
