ବାତ୍ୟା ପ୍ରଭାବକୁ ନେଇ ପାରାଦ୍ୱୀପରେ ବିପଦ ସଙ୍କେତ

ପାରାଦ୍ୱୀପରେ ସମ୍ଭାବ୍ୟ ବାତ୍ୟା ଅସାନୀର ପ୍ରଭାବରେ ଜଗତସିଂହପୁର ଜିଲ୍ଲାରେ ପ୍ରବଳ ବର୍ଷାର ସମ୍ଭାବନା ଥିବାରୁ ସତର୍କ କରିଛି ପ୍ରଶାସନ। ଅଧିକ ପଢ଼ନ୍ତୁ

ଜଗତସିଂହପୁର :ପାରାଦ୍ୱୀପରେ ସମ୍ଭାବ୍ୟ ବାତ୍ୟା ଅସାନୀର ପ୍ରଭାବ । ପାରାଦ୍ୱୀପ ସମୁଦ୍ରରେ ୨ ନମ୍ବର ବିପଦ ସଙ୍କେତ ଦିଆଯାଇଥିବା ବେଳେ ମତ୍ସ୍ୟଜୀବୀ ମାନଙ୍କୁ ତୁରନ୍ତ ଫେରି ଆସିବାକୁ କୁହାଯାଇଛି । ଆସନ୍ତାକାଲି ସୁଦ୍ଧା ବାତ୍ୟାର ପ୍ରଭାବରେ ଜିଲ୍ଲାରେ ବର୍ଷା ହେବାର ସମ୍ଭାବନା ରହିଛି । ଏନେଇ ଜିଲ୍ଲା ପ୍ରଶାସନ ପକ୍ଷରୁ ତଳିଆ ଅଞ୍ଚଳର ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରିବା ପାଇଁ ବ୍ୟବସ୍ଥା କରାଯାଇଛି ।

ବିଶେଷ କରି ପାରାଦ୍ୱୀପର ଷଣ୍ଢକୂଦ ଅଞ୍ଚଳରେ ବସବାସ କରୁଥିବା ଲୋକଙ୍କୁ କିପରି ସୁରକ୍ଷିତ ସ୍ଥାନକୁ ସ୍ଥାନାନ୍ତରିତ କରାଯିବ ସେ ନେଇ ପାରାଦ୍ୱୀପ ପୌର ପ୍ରଶାସନ ପକ୍ଷରୁ ବ୍ୟବସ୍ଥା କରାଯାଇଛି । ବର୍ଷାର ସ୍ଥିତି ଦେଖି ବ୍ୟାପକ ପ୍ରସ୍ତୁତି କରାଯାଇଥିବା ଜିଲ୍ଲା ଜରୁରୀକାଳୀନ କାର୍ଯ୍ୟାଳୟ ସୂତ୍ରରୁ ଜଣାପଡ଼ିଛି।

ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ