ଜଗତସିଂହପୁର: ଦୀର୍ଘ 10ମାସ ହେବ ସାରା ବିଶ୍ବରେ କୋରୋନା ତାର କାୟା ବିସ୍ତାର କରିଛି । କୋରୋନା ଆରମ୍ଭ ଦିନଠୁ ଅନେକଙ୍କ ଜୀବନ ଜିବୀକା ପ୍ରଭାବିତ ହୋଇଛି । ତେବେ ଏଇ କିଛି ଦିନ ହେବ ରାଜ୍ୟରେ ସଂକ୍ରମଣ କମିବାରେ ଲାଗିଛି । ଜଗତସିଂହପୁର ଜିଲ୍ଲାରେ ମଧ୍ୟ ସଂକ୍ରମଣ ତଳମୁହାଁ ହୋଇଛି ।
ଜଗତସିଂହପରୁରରେ କମୁଛି କୋରୋନା ସଂକ୍ରମଣ
ଚଳିତ ସପ୍ତାହରେ ଜିଲ୍ଲାରେ କୋରୋନା ସଂକ୍ରମଣ ଆଶାତୀତ ହ୍ରାସ ପାଇଛି । ଯାହା ଜିଲ୍ଲାବାସୀଙ୍କ ପାଇଁ ଆଶ୍ବସ୍ତି ଆଣିଛି । ସମ୍ପ୍ରତି ଜିଲ୍ଲାର 8ଟି ବ୍ଲକ ଓ ଦୁଇଟି ପୌରାଞ୍ଚଳରୁ ସପ୍ତାହରେ ସଂକ୍ରମିତଙ୍କ ସଂଖ୍ୟା ଦୁଇଅଙ୍କ ଛୁଇଁ ପାରିନାହିଁ । ଶନିବାର ସପ୍ତାହର ଶେଷ ଦିନରେ ବାଲିକୁଦାରୁ 2 ,ବିରିଡିରୁ 3, ଏରସମାରୁ 1, ଓ ଜଗତସିଂହପୁର ସଦରରୁ ମାତ୍ର ଜଣେ ଚିହ୍ନଟ ଆକ୍ରାନ୍ତ ଚିହ୍ନଟ ହୋଇଛନ୍ତି । ଶନିବାର ମୋଟ ଆକ୍ରାନ୍ତଙ୍କ ସଂଖ୍ୟା ମାତ୍ର 7 ରହିଛି।