ଯୁବକଙ୍କ ମୃତଦେହ ଉଦ୍ଧାର, ହତ୍ୟା ଅଭିଯୋଗ

ଜଗତସିଂହପୁର ସଦର ଥାନା ଅନ୍ତର୍ଗତ ନୂଆପୋଲ ନିକଟ ୫୫ ନଂ ଜାତୀୟ ରାଜପଥ କଡରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି ।

ଜଗତସିଂହପୁର: ଯୁବକଙ୍କ ମୃତଦେହ ଉଦ୍ଧାର । ଜଗତସିଂହପୁର ସଦର ଥାନା ଅନ୍ତର୍ଗତ ନୂଆପୋଲ ନିକଟ ୫୫ ନଂ ଜାତୀୟ ରାଜପଥ କଡରୁ ଜଣେ ଯୁବକଙ୍କ ମୃତଦେହ ଉଦ୍ଧାର କରାଯାଇଛି ।

ସୂଚନା ଅନୁଯାୟୀ ମୃତ ଯୁବକ ଜଣକ ହେଲେ ଗଡବିଷମପୁରର ସଲିମ୍ ଖାନ ବୋଲି ଜଣାପଡିଛି । ସେ ଗତକାଲି ଜଗତସିଂହପୁର ଆସି ଆଉ ଫେରି ନଥିଲେ, ତେବେ ଶନିବାର ତାଙ୍କ ମୃତଦେହ ରାସ୍ତକଡ ଜଙ୍ଗଲରୁ ଉଦ୍ଧାର କରାଯାଇଛି ।

ଘଟଣା ସ୍ଥଳରେ ଜଗତସିଂହପୁର ପୋଲିସ୍ ପହଞ୍ଚି ମୃତଦେହକୁ ଜବତ କରିବା ସହ ତଦନ୍ତ ଆରମ୍ଭ କରିଛି । ଶନିବାର ସନ୍ଧ୍ୟାରେ ମୃତକଙ୍କ ସଡୁ ଜଗତସିଂହପୁର ଥାନାରେ ପହଞ୍ଚି ଏତଲା ଦେବା ସହ ଯୁବକକୁ ହତ୍ୟା କରାଯାଇଥିବା ଅଭିଯୋଗ କରିଛନ୍ତି ।

ଜଗତସିଂହପୁରରୁ ସୁଶାନ୍ତ କୁମର ପାତ୍ର, ଇଟିଭି ଭାରତ