ଜଗତସିଂହପୁର: ଜିଲ୍ଲାରେ ଭୟାବହ ହେବାରେ ଲାଗିଛି କୋରୋନା ସ୍ଥିତି । ଏମିତିରେ ବୁଧବାର ଜିଲ୍ଲାରେ 173 ଜଣ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି। ସେମାନଙ୍କ ମଧ୍ୟରୁ ତିର୍ତ୍ତୋଲ ବ୍ଲକ ପଙ୍କପାଳ ପ୍ରାଥମିକ ସ୍ବାସ୍ଥ୍ୟକେନ୍ଦ୍ରର ଜଣେ ଡାକ୍ତର କୋରୋନା ପଜିଟିଭ ଥିବା ସୂଚନା ମିଳିଛି । ତେବେ ଏହି ଡାକ୍ତରଙ୍କ ସଂସ୍ପର୍ଶରେ କେତେ ଜଣ ଆସିଛନ୍ତି ତାକୁ ନେଇ ସ୍ବାସ୍ଥ୍ୟ ବିଭାଗ ଅନୁସନ୍ଧାନ ଆରମ୍ଭ କରିଥିବା ସ୍ପଷ୍ଟ କରିଛି ।
ସୂଚନା ଅନୁଯାୟୀ ସଦ୍ୟ ଚିହ୍ନଟ ଆକ୍ରାନ୍ତଙ୍କ ମଧ୍ୟରେ ବାଲିକୁଦା ବ୍ଲକରେ 14, ବିରିଡିରୁ 17, ଏରସମାରୁ 29, ଜଗତସିଂହପୁର ଗ୍ରାମାଞ୍ଚଳରୁ 18, କୁଜଙ୍ଗରୁ 21, ନାଉଗାଁରୁ ସର୍ବାଧିକ 32, ପାରାଦ୍ବୀପରୁ 13, ରଘୁନାଥପୁରରୁ 14, ତିର୍ତ୍ତୋଲରୁ 12 ଓ ଅନ୍ୟ ଜିଲ୍ଲାରୁ 3 ଜଣ ଚିହ୍ନଟ ହୋଇଛନ୍ତି । ସେହିପରି ଘରୋଇ ଟେଷ୍ଟରୁ 38 ଜଣ ସଂକ୍ରମିତ ଥିବା ଜଣାପଡ଼ିଛି । ଏହାକୁ ନେଇ ଜିଲ୍ଲାରେ ଆକ୍ରାନ୍ତଙ୍କ ସଂଖ୍ୟା 4385ରେ ପହଞ୍ଚିଛି । ସେମାନଙ୍କ ମଧ୍ୟରୁ 3009 ଜଣ ସୁସ୍ଥ ହୋଇ ସାରିଥିବା ବେଳେ ବର୍ତ୍ତମାନ ସୁଦ୍ଧା 1370ଟି ସକ୍ରିୟ ମାମଲା ରହିଛି । ସେପଟେ ଜିଲ୍ଲାର କୋରୋନା ଜନିତ ମୃତ୍ୟୁ ସଂଖ୍ୟା 7ରେ ପହଞ୍ଚିଛି ।
ଜଗତସିଂହପୁରରୁ ସୁଶାନ୍ତ କୁମାର ପାତ୍ର, ଇଟିଭି ଭାରତ
