ଜଗତସିଂହପୁର:ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସଙ୍କ ବିବାହ ବିବାଦ । ବାନ୍ଧବୀ ୫ଦିନ ହେଲାଣି ଏତଲା ଦେବା ପରେ ମଧ୍ୟ ବିଧାୟକଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହଁ । ତେବେ ବିଧାୟକଙ୍କ ଗିରଫ ଦାବିରେ ତିର୍ତ୍ତୋଲ କଂଗ୍ରେସ ପକ୍ଷରୁ ଜଗତସିଂହପୁର ଏସପି ଅଫିସ ଘେରାଉ ସାଙ୍ଗକୁ ଏକ ସ୍ମାରକପତ୍ର ଆରକ୍ଷୀ ଅଧୀକ୍ଷକଙ୍କୁ ପ୍ରଦାନ କରାଯାଇଛି । ତିର୍ତ୍ତୋଲ ନିର୍ବାଚନ ମଣ୍ଡଳୀର କଂଗ୍ରେସ ନେତା ହିମାଂଶୁ ଭୂଷଣ ମଲ୍ଲିକଙ୍କ ନେତୃତ୍ବରେ ଏକାଧିକ ମହିଳା ଏସପି ଅଫିସ ଘେରାଉ କରିଛନ୍ତି ।
କଂଗ୍ରେସ ପକ୍ଷରୁ କୁହା ଯାଇଛି ଯେ ଦୀର୍ଘ ୫ଦିନ ହେବ ବିଧାୟକଙ୍କ ବାନ୍ଧବୀ ବିଜୟ ଶଙ୍କରଙ୍କ ନାମରେ ଏତଲା ଦେଲେଣି । ପୂର୍ବରୁ ପୀଡ଼ିତା ଯେଉଁ ଏତଲା ଦେଇଥିଲେ ତାକୁ ଜଗତସିଂହପୁର ପୋଲିସ ଗ୍ରହଣ କଲାନି। ଫଳରେ ପୀଡ଼ିତା ବାଧ୍ୟ ହୋଇ ହାଇକୋର୍ଟଙ୍କ ଦ୍ବାରସ୍ଥ ହେଲେ। ହାଇକୋର୍ଟ ନିର୍ଦ୍ଦେଶ ଦେବାପରେ ପୋଲିସ ମାମଲା ରୁଜୁ କରି ବସିରହିଛି । ଯୌନ ବ୍ୟଭିଚାରରେ ସମ୍ପୃକ୍ତି ଥାଇ ମଧ୍ୟ କଣ ପାଇଁ ପୋଲିସ ନିରବ ଦ୍ରଷ୍ଟା ସାଜିଛି ତାକୁ ନେଇ କଂଗ୍ରେସ ପ୍ରଶ୍ନ କରିଛି। ରାଜ୍ୟରେ ଶହ ଶହ ସୋମାଲିକା ପୋଲିସ ପାଖକୁ ଦୌଡ଼ି ଦୌଡ଼ି ନିରାଶ ହେଉଛନ୍ତି । ଯଦି ଏହିଭଳି ଘଟଣା ସାଧାରଣ ଲୋକଙ୍କ କ୍ଷେତ୍ରରେ ହୋଇଥାନ୍ତା ତେବେ ଅଭିଯୁକ୍ତକୁ ପୋଲିସ ବାନ୍ଧି ସାରନ୍ତାଣି ବୋଲି କହିଛନ୍ତି କଂଗ୍ରେସ ।
ଏହା ବି ପଢନ୍ତୁ- ତିର୍ତ୍ତୋଲ ବିଧାୟକ ବିଜୟ ଶଙ୍କରଙ୍କ ଗିରଫ ଦାବି କଲା ବିଜେପି