ଜଗତସିଂହପୁର: ଜଗତସିଂହପୁର ଥାନା ଅନ୍ତର୍ଗତ ଯଶୋବନ୍ତପୁର ଛକରେ ପୂର୍ବ ଶତ୍ରୁତାକୁ କେନ୍ଦ୍ର କରି ଗୋଟିଏ ପରିବାରର 3 ଜଣ ସଦସ୍ୟଙ୍କୁ ଅତି ନିର୍ମମ ଭାବେ ଆକ୍ରମଣ କରାଯାଇଛି। ଗୁରୁତର ଆହତ ହୋଇଥିବା ବ୍ୟକ୍ତିମାନେ ହେଲେ ଦିବ୍ୟଜ୍ୟୋତି ବେହେରା (19), ବିଶ୍ବରଞ୍ଜନ ବେହେରା (24) ଏବଂ ଦେବେନ୍ଦ୍ର ବେହେରା (52)।
2 ଗୋଷ୍ଠୀ ମଧ୍ୟରେ ରକ୍ତାକ୍ତ ସଂଘର୍ଷ, 3 ଗୁରୁତର କଟକ ସ୍ଥାନାନ୍ତର
ପୋଲିସ ସୂତ୍ରରୁ ପ୍ରକାଶ ଯେ ପୂର୍ବ ଶତ୍ରୁତାକୁ କେନ୍ଦ୍ର କରି ଗୁରୁବାର ଅପରାହ୍ନରେ ଦୁଇ ଗୋଷ୍ଠୀଙ୍କ ମଧ୍ୟରେ ରକ୍ତାକ୍ତ ଗୋଷ୍ଠୀ ସଂଘର୍ଷ ହୋଇଥିଲା । ଗୋଟିଏ ଗୋଷ୍ଠୀ ଅନ୍ୟ ଗୋଷ୍ଠୀକୁ ଜିଆଇ ରଡ, କଟୁରୀ, ଖଣ୍ଡା, ଭୁଜାଲି ଓ କୋଦାଳରେ ମରଣାନ୍ତକ ଆକ୍ରମଣ କରିଥିଲେ। ଏଥିରେ ଦିବ୍ୟଜ୍ୟୋତି, ବିଶ୍ବରଞ୍ଜନ ଓ ଦେବେନ୍ଦ୍ର ନାମକ ଯୁବକ ଆହତ ହୋଇଥିବା ବେଳେ ସେମାନଙ୍କୁ ପ୍ରଥମେ ଜଗତସିଂହପୁର ଚିକିତ୍ସାଳୟକୁ ନିଆଯାଇଥିଲା ।