ଜଗତସିଂହପୁର : ପାରାଦ୍ଵୀପ ଅଭୟଚାନ୍ଦପୁର ଥାନା ପୋଲିସକୁ ମିଳିଛି ବଡ଼ ସଫଳତା । ଦୀର୍ଘ ଦିନ ହେବ ବନ୍ଦର ନିଷିଦ୍ଧାଞ୍ଚଳ ଓ ଟ୍ରେନ ଓ୍ବାଗନରୁ କୋଇଲା ଚୋରି କରି ବିକ୍ରୟ କରୁଥିବା ଚୋରା କୋଇଲା ବ୍ୟବସାୟୀ ସୁକାନ୍ତ ପରିଡାକୁ ଗିରଫ କରିଛି ଅଭୟଚାନ୍ଦପୁର ଥାନା । ଅଭିଯୁକ୍ତ ଜଣକ ଅଠରବାଙ୍କି ଲକପଡା ଅଞ୍ଚଳର ବୋଲି ସୂଚନା ମିଳିଛି ।
କୋଇଲା ବୋଝେଇ ଟ୍ରକ ଜବତ;ବନ୍ଧା ହେଲେ ୨ ଅଭିଯୁକ୍ତ ସୂଚନା ଅନୁସାରେ, ଏକ ୧୪ ଚକିଆ ଟ୍ରକରେ ୫୫ କ୍ଵିଣ୍ଟାଲ କୋଇଲା ଲୋଡ କରାଯାଇ ପାରାଦ୍ଵୀପ-ଚଣ୍ଡିଖୋଲ ରାସ୍ତାରେ ଯାଉଥିବା ନେଇ ପୋଲିସକୁ ଖବର ମିଳିଥିଲା । ପରେ ଅଭୟଚାନ୍ଦପୁର ଥାନା ଆଇଆଇସି ଜୀବନାନନ୍ଦ ଜେନାଙ୍କ ନେତୃତ୍ବରେ ଜିରୋ ପଏଣ୍ଟ ନିକଟରେ ଚଢ଼ାଉ କରାଯାଇଥିଲା । ଡ୍ରାଇଭର ନରେନ୍ଦ୍ର ପ୍ରଧାନଙ୍କ ସମେତ ବ୍ୟବସାୟୀ ସୁକାନ୍ତ ପରିଡାକୁ ଗିରଫ କରାଯାଇଛି ।
ଜଗତସିଂହପୁରରୁ ସୁଶାନ୍ତ ପାତ୍ର,ଇଟିଭି ଭାରତ
