ଜଗତସିଂହପୁର: ଅଡଶପୁର କଟକ ପୁରୀକୁ ଯୋଡୁଥିବା ମୁଖ୍ୟରାସ୍ତାର ମାଛଗାଁ କେନାଲ ପୋଲଟି ଦୁର୍ବଳ ହେବାରେ ଲାଗିଛି । ଯେକୌଣସି ସମୟରେ ମଧ୍ୟ ଏହି ପୋଲଟି ଭୁଶୁଡ଼ି ପଡିବାର ସମ୍ଭାବନା ରହିଛି । ବ୍ରିଟିଶ ଅମଳରୁ ନିର୍ମାଣ କରାଯାଇଥିବା ଏହି ପୋଲଟି ମରାମତି ଅଭାବ ଯୋଗୁଁ କ୍ରମଶଃ ବିପଦ ସଂକୁଳ ଅବସ୍ଥାକୁ ଚାଲି ଆସିଲାଣି ।
ଭିଡିଓ ସୌଜନ୍ୟ: ପ୍ରତିନିଧି, ଜଗତସିଂହପୁର
ତେବେ ଏହି ପୋଲ ଉପର ଦେଇ ମଧ୍ୟ ଆଳିପିଙ୍ଗଳ ବାଲିଘାଟରୁ ବାଲି ଭର୍ତ୍ତି କରି ଭାରିଯାନ ଗୁଡ଼ିକ ଚଳାଚଳ କରୁଛି । ମାତ୍ର 15 ମିଟର ଦୂରରେ ଜିଲା ଗ୍ରାମ୍ୟ ଉନ୍ନୟନ ବିଭାଗ କାର୍ଯ୍ୟାଳୟ 50 ମିଟର ଦୂରରେ ଜିଲ୍ଲା ଜଳସେଚନ ବିଭାଗ କାର୍ଯ୍ୟାଳୟ ଓ 20 ମିଟର ଦୂରରେ ଜିଲ୍ଲାପାଳଙ୍କ କାର୍ଯ୍ୟାଳୟ ଥିଲେ ମଧ୍ୟ କିପରି କର୍ତ୍ତୃପକ୍ଷଙ୍କ ଦୃଷ୍ଟି ଆଢୁଆଳ ହୋଇ ରହିଯାଉଥିବା ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି କରିଛି ।