ଜଗତସିଂହପୁର: ବିଜେଡି କର୍ମୀ ସମ୍ମିଳନୀରେ କୋଭିଡ ଗାଇଡଲାଇନ ଉଲ୍ଲଙ୍ଘନ କରିଥିବା ଅଭିଯୋଗ ଆଣିଲା ଜିଲ୍ଲା ବିଜେପି । ତିର୍ତ୍ତୋଲ ବିଧାନସଭା ଉପନିର୍ବାଚନ ପାଇଁ ବିଜେଡି କରିଥିବା କର୍ମୀ ସମ୍ମିଳନୀକୁ ଜିଲ୍ଲା ବିଜେପି ବିରୋଧ କରିଛି।
କୋଭିଡ ନିୟମ ଉଲ୍ଲଘଂନ ନେଇ ମନ୍ତ୍ରୀ,ସାଂସଦ ଓ ବିଜେଡି ନେତାଙ୍କ ନାମରେ ଏତଲା ଦେଲା ବିଜେପି
ଏହି କର୍ମୀ ସମ୍ମୀଳନୀରେ ରାଜ୍ୟ ସରକାରଙ୍କ ଦୁଇଜଣ ମନ୍ତ୍ରୀ ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ଓ ସାଂସଦ କୋଭିଡ ଗାଇଡ ଲାଇନକୁ ଆବମାନନା କରି କିପରି ଶହଶହ କର୍ମୀଙ୍କୁ ଏକଜୁଟ୍ କଲେ ତାକୁ ନେଇ ଜଗସିଂହପୁର ଜିଲ୍ଲା ବିଜେପି ପ୍ରଶ୍ନ ଉଠାଇଛି। ଏହାକୁ ନେଇ ଜିଲ୍ଲା ବିଜେପି ସଭାପତି ସତ୍ୟବ୍ରତ ମହାପାତ୍ର ଏସପି ପ୍ରକାଶ ରଙ୍ଗରାଜଙ୍କୁ ଭେଟି ଏ ସଂମ୍ପର୍କରେ ଲିଖିତ ଅଭିଯୋଗ କରିଛନ୍ତି । ରାଜ୍ୟ ସରକାରଙ୍କ କୋଭିଡ୍ ନିୟମକୁ ସେଠାରେ ଉପସ୍ଥିତ ଥିବା ବିଜେଡି ନେତା ମନ୍ତ୍ରୀ ସାଂସଦ ଉଲ୍ଲଘଂନ କରିଛନ୍ତି। ତେଣୁ ସେମାନଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ବିଜେପି ଦାବି କରିଛି।