ଜଗତସିଂହପୁର: ଶେଷରେ ଖାଇଗଲେ ହରିଶଚନ୍ଦ୍ର ଯୋଜନା ଟଙ୍କା । ଜୀବିତ ଲୋକଙ୍କୁ ମୃତ ଦର୍ଶାଇ ହରିଶ୍ଚନ୍ଦ୍ର ଯୋଜନାରେ ଘୋଟଲା ହୋଇଥିବା ଅଭିଯୋଗ ହୋଇଛି । ଖାଲି ସେତିକି ନୁହେଁ ଯୋଜନାରେ ମୃତ ଲୋକଙ୍କ ଟଙ୍କାରେ ବି ଘୋଟାଲା ହୋଇଛି । ଏପରି ଅଭିଯୋଗ ହୋଇଛି ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ଅପଣ୍ଡରା ପଞ୍ଚାୟତରେ ।
ହରିଶ୍ଚନ୍ଦ୍ର ଯୋଜନାରେ ଘୋଟାଲା ଅଭିଯୋଗ
ସୂଚନାଅନୁସାରେ, ଗାଁର ସୁକୁଟି ସ୍ବାଇଁ ନାମକ ଜଣେ ମହିଳାଙ୍କ ତିନିବର୍ଷ ତଳେ ମୃତ୍ୟୁ ହୋଇଥିଲା । ଏ ପର୍ଯ୍ୟନ୍ତ ତାଙ୍କୁ ହରିଶ୍ଚନ୍ଦ୍ର ଯୋଜନାରେ ଟଙ୍କାଟିଏ ବି ମିଳିନାହିଁ । ତାଙ୍କ ନାମରେ ଯୋଜନାରେ କିଏ ଅର୍ଥ ଉଠାଇ ନେଇଥିବା ଅଭିଯୋଗ ହୋଇଛି । ଖାଲି ସେତିକି ନୁହେଁ ଗାଁର ବନ୍ଧୁ ସାହୁ ନାମକ ଜଣେ ବ୍ୟକ୍ତି ଜୀବିତ ଥିବାବେଳେ ତାଙ୍କୁ ମୃତ ଦେଖାଇ ହରିଶ୍ଚନ୍ଦ୍ର ଯୋଜନା ଅର୍ଥ ଲୁଟ ହୋଇଛି । ଏହି ଘଟଣା ଜଣାପଡିବା ପରେ ତଦନ୍ତ ଆରମ୍ଭ ହୋଇଛି ।